കാടിന്റെ വന്യതയും നി​ഗൂഡതയും സമന്വയിപ്പിച്ച് ലിജോ ജോസ് പെല്ലിശ്ശേരിയുടെ ‘ചുരുളി’; ട്രെയിലർ കാണാൻ തിക്കിത്തിരക്കി ജനങ്ങൾ; വീഡിയോ

സംവിധായകൻ ലിജോ ജോസ് പെല്ലിശ്ശേരിയുടെ പുതിയ ചിത്രം ‘ചുരുളി’യുടെ ട്രെയിലര്‍ സോഷ്യല്‍ മീഡിയയില്‍ ട്രെന്‍ഡിംഗ്. നിഗൂഢതയും കാടും ഭയത്തിന്റെ അശംങ്ങളും ചേര്‍ന്ന ട്രെയ്‌ലര്‍ ആണ് റിലീസ് ചെയ്തിരിക്കുന്നത്. 19 ദിവസം കൊണ്ട് ചിത്രീകരണം പൂര്‍ത്തിയാക്കിയ ചിത്രത്തിന് തിരക്കഥ ഒരുക്കിയിരിക്കുന്നത് എസ്. ഹരീഷാണ്.

വൻ താരനിരയാണ് ചിത്രത്തിൽ അണിനിരക്കുക, ജോജു, ചെമ്പന്‍ വിനോദ്, വിനയ് ഫോര്‍ട്ട് തുടങ്ങിയവരാണ് ചിത്രത്തില്‍ പ്രധാന വേഷത്തിലെത്തുന്നത്.

ലിജോ പെല്ലിശേരിസ് മൂവി മൊണാസ്ട്രിയും ചെമ്പോസ്‌കിയും ഒപസ് പെന്റയും ചേര്‍ന്നാണ് നിര്‍മ്മാണം. സൗബിന്‍ ഷാഹിര്‍, ജാഫര്‍ ഇടുക്കി തുടങ്ങിയ താരങ്ങളും കാടിനകത്ത് ചിത്രീകരിച്ചിരിക്കുന്ന സിനിമയില്‍ അഭിനയിച്ചിട്ടുണ്ട്, മധു നീലകണ്ഠനാണ് ഛായാഗ്രഹണം. രംഗനാഥ് രവിയാണ് സൗണ്ട് ഡിസൈന്‍. ‘ജല്ലിക്കട്ടി’ക്ക് ശേഷമുള്ള വൻ ചിത്രമാകുമിതെന്നാണ് ആരാധകർ പറയുന്നത്.

https://www.youtube.com/watch?time_continue=108&v=ZKfR3dEQm18&feature=emb_logo