മലയാളത്തിന്റെ പ്രിയതാരം സുരേഷ് ഗോപി നായകനാകുന്ന ‘കാവല്‍’ ചിത്രത്തിന്റെ ടീസര്‍ നാളെ താരത്തിന്റെ ജന്‍മദിനത്തില്‍ റിലീസ് ചെയ്യും. സുരേഷ് ഗോപിയുടെ അറുപത്തിയൊന്നാം ജന്‍മദിനമാണ് നാളെ, നിധിന്‍ രഞ്ജി പണിക്കര്‍ സംവിധാനം ചെയ്യുന്ന ചിത്രത്തിന്റെ ഡബ്ബിങ് ലോക്ഡൗണിനിടെ പൂര്‍ത്തിയായിരുന്നു.
താരത്തിന്റെ ആരാധകരെ ആവേശത്തിലാഴ്ത്തിയാണ് ചിത്രത്തിന്റെ ഫസ്റ്റ് ലുക്ക് പോസ്റ്ററും ലൊക്കേഷന്‍ ചിത്രങ്ങളും എത്തിയത്. മടക്കിക്കുത്തിയ മുണ്ടില്‍ തിരുകിയ തോക്കാണ് പോസ്റ്ററിലുണ്ടായിരുന്നത്. പൊലീസുകാരന്റെ നെഞ്ചില്‍ മുട്ടുകാല്‍ ഉയര്‍ത്തി നില്‍ക്കുന്ന ലൊക്കേഷന്‍ ചിത്രവും ആരാധകര്‍ ഏറ്റെടുത്തിരുന്നു.
കാവൽ ഗുഡ്വില്‍ എന്റര്‍ടെയ്ന്‍മെന്റ്സിന്റെ ബാനറില്‍ ജോബി ജോര്‍ജ് ആണ് നിര്‍മ്മാണം. സുരേഷ് ഗോപിക്കൊപ്പം ലാല്‍ ഒരു പ്രധാന കഥാപാത്രമായി എത്തുന്നുണ്ട്. സയ ഡേവിഡ്, മുത്തുമണി, ഐ എം വിജയന്‍, സുജിത്ത് ശങ്കര്‍, അലന്‍സിയര്‍, കണ്ണന്‍ രാജന്‍ പി ദേവ് തുടങ്ങിയവരും അഭിനയിക്കുന്നു. ഛായാഗ്രഹണം നിഖില്‍ എസ് പ്രവീണ്‍.
Post Your Comments