മലയാളത്തിന്റെ ആക്ഷൻ സ്റ്റാർ സുരേഷ് ഗോപി നായകനാകുന്ന 250ാം ചിത്രം പ്രഖ്യാപിച്ചപ്പോൾ മുതൽ ആരാധകരെല്ലാം അക്ഷമരായി കാത്തിരിക്കുകയാണ് ,മലയാളത്തിന്റെ സ്വന്തം ആക്ഷൻ സൂപ്പർസ്റ്റാർ സുരേഷ് ഗോപിയുടെ പവർ ബാക്ക് തന്നെയാകും ഈ ചിത്രമെന്നാണ് ആരാധരുടെ പ്രതീക്ഷ.
ചിത്രത്തിൽ കടുവാക്കുന്നേൽ കുറുവച്ചൻ എന്ന കോട്ടയം അച്ചായനായാണ് സുരേഷ് ഗോപി എത്തുന്നത്. ചിത്രത്തിലേതായ താരത്തിൻ്റെ ലുക്കും സോഷ്യൽ മീഡിയയിൽ വൈറലായിരുന്നു. സുരേഷ് ഗോപിയുടെ കരിയറിലെ ഇരുനൂറ്റമ്പതാമത് ചിത്രത്തിന് സംഗീതം ഒരുക്കുന്നത് തെന്നിന്ത്യൻ സിനിമാ മേഖലയിൽ കൈ നിറയെ പശ്ചാത്തല സംഗീതമൊരുക്കി കൈയ്യടി നേടിയ ഹർഷവർദ്ധൻ ആണ്.
യുവ താരം ദുൽഖർ സൽമാൻ നായകനായ തമിഴ് ചിത്രം കണ്ണും കണ്ണും കൊള്ളയടിത്താൽ, അർജുൻ റെഡ്ഢി, കബീർ സിംഗ് തുടങ്ങിയ ചിത്രങ്ങൾക്ക് പശ്ചാത്തലസംഗീതം ഒരുക്കിയിരുന്നത് ഹർഷവർദ്ധൻ രാമേശ്വർ ആയിരുന്നു, വിജേതാ, സാക്ഷ്യം എന്നീ ചിത്രങ്ങൾക്ക് സംഗീത സംവിധാനം നിർവഹിച്ചിട്ടുമുണ്ട് ഹർഷവർദ്ധൻ, ഇത് കൂടാതെ അജയ് ദേവ്ഗൻ നായകനായ തൻഹാജിയിൽ ഒരു ഗാനമാലപിച്ച് പിന്നണിഗാന രംഗത്തും തൻ്റെ കൈയ്യൊപ്പു പതിപ്പിച്ചിട്ടുണ്ട്.
Post Your Comments