ഇളയദളപതിക്ക് പിറന്നാൾ, മാസ്റ്റര്‍ മറക്കാനാവാത്ത ഓര്‍മ്മ, നിങ്ങളോടൊപ്പം ചെലവഴിച്ച ഓരോ നിമിഷവും വിലയുള്ളത്: ലോകേഷ് കനകരാജ്

ഇളയ ദളപതി വിജയ്‌യുടെ 46-ാം ജന്മദിനത്തില്‍ ആശംസകളുമായി സംവിധായകന്‍ ലോകേഷ് കനകരാജ്. ”മാസ്റ്റര്‍ മറക്കാനാവാത്ത ഓര്‍മ്മയാണ്…നിങ്ങളോടൊപ്പം ചെലവഴിച്ച ഓരോ നിമിഷവും വിലപ്പെട്ടതാണ്…ഇത് സംഭവിക്കാന്‍ കാരണമായതിന് നന്ദി…ജന്‍മദിനാശംസകള്‍..അണ്ണാ ലവ് യു” എന്നാണ് ലോകേഷിന്റെ വാക്കുകൾ.

ഇക്കഴിഞ്ഞ ഏപ്രിലില്‍ റിലീസ് ചെയ്യാനിരുന്ന ‘മാസ്റ്റര്‍’ ചിത്രം കോവിഡ് ലോക്ഡൗണിനെ തുടര്‍ന്നാണ് മാറ്റിവച്ചത്. ദളപതിയുടെ ജന്മദിനത്തില്‍ മാസ്റ്ററിന്റെ പുതിയ അപ്‌ഡേറ്റുകള്‍ ലഭിക്കുമെന്നും സൂചനകളുണ്ട്. മാസ്റ്റിന്റെ സ്‌പെഷ്യല്‍ പോസ്റ്ററും റിലീസ് ചെയ്തിരുന്നു.

#Master was indeed an unforgettable memory…I cannot choose any one day …every moment spent with you will forever be cherished na…..
Thanks for making it happen..
Happy birthday @actorvijay anna…Love you❤️❤️❤️#HBDTHALAPATHYVijay pic.twitter.com/t3FEFilitN

— Lokesh Kanagaraj (@Dir_Lokesh) June 22, 2020

വൻ താരനിരയെത്തുന്ന ചിത്രത്തിൽ വിജയ് സേതുപതിയാണ് ചിത്രത്തില്‍ വില്ലന്‍ വേഷത്തിലെത്തുന്നത്. മാളവിക മോഹനന്‍, ആന്‍ഡ്രിയ, അര്‍ജുന്‍ ദാസ്, ശന്തനു ഭാഗ്യരാജ് എന്നിവരാണ് ചിത്രത്തിലെ മറ്റു താരങ്ങള്‍, കോളജ് പ്രൊഫസറുടെ വേഷത്തിലാണ് വിജയ് ചിത്രത്തിലെത്തുക എന്നാണ് റിപ്പോർട്ടുകൾ.