നിലവിൽ കോവിഡിന്റെ പശ്ചാത്തലത്തില്‍ സിനിമാ ചിത്രീകരണത്തിനെ കുറിച്ച് അനിശ്ചിതത്വം നിലനില്‍ക്കെ പുതിയ സിനിമയുടെ ഷൂട്ടിങ് തിയതി പ്രഖ്യാപിച്ച് ആഷിഖ് അബു, മമ്മൂട്ടി ചിത്രം ‘ഉണ്ട’ എഴുതിയ ഹര്‍ഷദ് സംവിധാനം ചെയ്യുന്ന ‘ഹാഗര്‍’ എന്ന ചിത്രമാണ് ആഷിഖ് അബുവും റിമ കല്ലിങ്കലും ചേര്‍ന്ന് നിര്‍മ്മിക്കുന്നത്.
ഈ കൊവിഡ് കാലത്ത് പാലിക്കേണ്ട മാര്‍ഗ നിര്‍ദേശങ്ങള്‍ പാലിച്ചാകും ഷൂട്ടിങ് നടത്തുക. ജൂലൈ അഞ്ചിന് കൊച്ചിയില്‍ ചിത്രീകരണം ആരംഭിക്കും. ഈ ചിത്രത്തിന്റെ റിലീസ് സംബന്ധിച്ചുള്ള കാര്യങ്ങളില്‍ തീര്‍പ്പു കല്‍പ്പിക്കാനുള്ള അവകാശം നിര്‍മ്മാണ കമ്പനിയില്‍ നിക്ഷിപ്തമാണ്. അത് വേറെ ആരേയും ഏല്‍പ്പിച്ചിട്ടില്ല എന്ന് ആഷിഖ് സോഷ്യല്‍ മീഡിയയില്‍പങ്കുവച്ച പോസ്റ്റില്‍ വ്യക്തമാക്കിയിട്ടുണ്ട്.
https://www.facebook.com/AashiqAbuOnline/posts/1674428759392893
ഒ പി എം സിനിമാസ് അവതരിപ്പിക്കുന്ന ചിത്രത്തിന്റെ തിരക്കഥ നിര്‍വഹിക്കുന്നത് ഹര്‍ഷദും രാജേഷ് രവിയുമാണ്. സംഗീതം യാക്‌സണ്‍, നേഹ എന്നിവരാണ്. സൈജു ശ്രീധര്‍ എഡിറ്റും ഡാന്‍ ജോസ് സൗണ്ട് ഡിസൈനും നിര്‍വഹിക്കും.
Post Your Comments