പ്രശസ്ത തിരക്കഥാകൃത്തും സംവിധായകനുമായ സച്ചിയുടെ വിയോഗത്തില്‍ മനംനൊന്ത് നഞ്ചമ്മയും. തന്നെ നാട്ടില്‍ അറിയപ്പെടുന്ന ആളാക്കി മാറ്റിയത് സച്ചി സാറാണ് എന്ന് നഞ്ചമ്മ പറയുന്നു, സച്ചി സംവിധാനം ചെയ്ത ‘അയ്യപ്പനും കോശിയും’ എന്ന ചിത്രത്തില്‍ നഞ്ചമ്മ ആലപിച്ച ”കലക്കാത്ത”, ”ദൈവമകളേ” എന്ന ഗാനങ്ങള്‍ പ്രേക്ഷകര്‍ ഏറ്റെടുത്തിരുന്നു.
വെറുതെ”ആട് മാട് മേച്ച് നടന്ന എന്നെ സച്ചി സാറാണ് നാട്ടില്‍ അറിയുന്ന ആളാക്കി മാറ്റിയത്. എനിക്കറിയില്ല എന്ത് പറയണമെന്ന്, കുറച്ച് ദിവസം മുമ്പ് കാണാന്‍ വരുമെന്ന് പറഞ്ഞിരുന്നു. ഈ മരണം സഹിക്കാനാവുന്നില്ല” എന്ന് നഞ്ചമ്മ. സച്ചിക്ക് നഞ്ചമ്മയുടെ എല്ലാ പാട്ടുകളും ഇഷ്ടമായിരുന്നു എങ്കിലും ദൈവമകളെ ആയിരുന്നു കൂടുതല്‍ ഇഷ്ടം. നഞ്ചമ്മക്ക് സച്ചി സ്വന്തം മകനെ പോലെ ആയിരുന്നു.
വർഷങ്ങളായി പാട്ടുകാരി ആയിരുന്നുവെങ്കിലും നഞ്ചമ്മ ലോകം അറിയപ്പെടുന്ന ഒരു ഗായികയായി മാറിയത് അയ്യപ്പനും കോശിയും എന്ന ചിത്രത്തിലൂടെയായിരുന്നു.
Post Your Comments