മൂന്ന് യുവതികളെ ലൈം​ഗികമായി പീഡിപ്പിച്ചു; പ്രമുഖനടന്‍ അറസ്റ്റില്‍

മൂന്ന് സ്ത്രീകളെ ലൈം​ഗികമായി പീഡിപ്പിച്ചെന്ന പരാതിയില്‍ അമേരിക്കന്‍ നടന്‍ ഡാനി മാസ്റ്റേഴ്‌സനെഅറസ്റ്റ് ചെയ്തു. ദാറ്റ് സെവന്റീസ് ഷോ, നെറ്റ്ഫ്‌ളിക്‌സിന്റെ ദി റാഞ്ച് തുടങ്ങിയ ടിവി സീരിസുകളില്‍ പ്രധാന താരമായിരുന്നു ഡാനി 2001 ജനുവരി മുതല്‍ ഡിസംബര്‍ വരെ 23 വയസുള്ള യുവതിയെയും 2003 ഏപ്രിലില്‍ 28 വയസുകാരിയെയും 2003 ഒക്ടോബറില്‍ മറ്റൊരു യുവതിയെയും  ബലാത്സംഗം ചെയ്‌തെന്നാണ് കേസ്.

ബലാത്സംഗ ആരോപണങ്ങള്‍ ഉയര്‍ന്നതോടെ നെറ്റ്ഫ്‌ളിക്‌സ് ഡാനി മാസ്റ്റേഴ്‌സണെ സീരിസില്‍ നിന്ന് മാറ്റി നിര്‍ത്തിയിരുന്നു.

ബുധനാഴ്ച പ്രാദേശിക സമയം രാവിലെ 11.30 ഓടെയാണ് നടനെ അറസ്റ്റ് ചെയ്തത്. പിന്നീട് വൈകീട്ട് മൂന്ന് മണിയോടെ 3.3 മില്യണ്‍ ഡോളറിന്റെ ജാമ്യത്തില്‍ നടനെ വിട്ടയച്ചതായി ലോസ് ആഞ്ജലസ് കൗണ്ടി ഷെരീഫ് അറിയിച്ചു.