തെന്നിന്ത്യന്‍ പ്രിയതാരം രമ്യാ കൃഷ്ണനും സഹോദരിയും സഞ്ചരിച്ച കാറില്‍ മദ്യകുപ്പികള്‍ കടത്താന്‍ ശ്രമം. ചെന്നൈ ചെങ്കല്‍പ്പേട്ട് ചെക്‌പോസ്റ്റില്‍ വെച്ച്‌ നടത്തിയ പരിശോധനയില്‍ 100ലധികം കുപ്പികള്‍ ഇവരുടെ കാറില്‍ നിന്നും കണ്ടെടുത്തു. പരിശോധനാ സമയത്ത് രമ്യയും സഹോദരിയും ഡ്രെെവറുമാണ് കാറിലുണ്ടായിരുന്നത്. അറസ്റ്റ് ചെയ്ത ഡ്രൈവറെ പോലീസ് പിന്നീട് ജാമ്യത്തില്‍ വിട്ടു.
മാമ്മലപുരത്ത് നിന്നും ചെന്നെെയിലേക്ക് ഇവര്‍ മദ്യം കടത്തിയെന്നാണ് പോലീസ് പറയുന്നത്. കോവിഡ് ലോക്ഡൗണ്‍ നിലവിലുളളതിനാല്‍ ചെന്നൈയില്‍ മദ്യക്കടകള്‍ തുറക്കാന്‍ അനുമതി നല്‍കിയിരുന്നില്ല. എന്നാല്‍ മറ്റു ജില്ലകളില്‍ മദ്യക്കടകള്‍ തുറക്കാന്‍ അനുമതി നല്‍കിയിരുന്നു. ഈ സാഹചര്യത്തിലാണ് ചെന്നെെയിലേക്ക് മദ്യകുപ്പികള്‍ കടത്താന്‍ ഇവര്‍ ശ്രമിച്ചത്.
Post Your Comments