എന്നെ കൂട്ടബലാത്സംഗം ചെയ്യണമെന്നാണ് ആ സ്ത്രീ പറഞ്ഞത്, വിവാഹിതയും ഒരു പെണ്‍കുട്ടിയുടെ അമ്മയുമാണ് അവര്‍; വെളിപ്പെടുത്തി നടി അലാന

സോഷ്യല്‍ മീഡിയയില്‍ ഗ്ലാമറസ് ചിത്രങ്ങള്‍ പങ്കുവയ്ക്കുന്ന നടിമാര്‍ക്ക് നേരെ വ്യാപകമായ വിമര്‍ശനം ഉയരാറുണ്ട്. ഇത്തരത്തില്‍ തനിക്ക് ദിവസേന നേരിടേണ്ടിവരുന്ന വിമര്‍ശനങ്ങളെക്കുറിച്ച്‌ വെളിപ്പെടുത്തി രംഗത്ത് അലാനാ പാണ്ഡെ.

തന്റെ ഇന്‍സ്റ്റ​​ഗ്രാം പേജില്‍ പങ്കുവച്ച ബിക്കിനി ചിത്രത്തിന് ഒരു സ്ത്രീ നല്‍കിയ കമന്റ് ചൂണ്ടിക്കാട്ടിയാണ് അലാനയുടെ പ്രതികരണം. ”ബിക്കിനി ധരിച്ചു നില്‍ക്കുന്നതിന്റെ പേരില്‍ താന്‍ കൂട്ടബലാത്സംഗത്തിന് ഇരയാകണമെന്നായിരുന്നു ആ സ്ത്രീ കുറിച്ചത്. തന്റെ അമ്മയെയും അച്ഛനെയും ടാ​ഗ് ചെയ്തുകൊണ്ട് അവര്‍ ആ കമന്റ് കണ്ടു എന്ന് ഉറപ്പാക്കുകയായിരുന്നു ആ സ്ത്രീ. കമന്റ് വായിച്ച്‌ ഒരു നിമിഷം വിറച്ചുപോയ താന്‍ ഉടന്‍തന്നെ അവരെ ബ്ലോക്ക് ചെയ്യുകയായിരുന്നെന്നും അതിനാല്‍ സ്ക്രീന്‍ഷോട്ട് എടുക്കാന്‍ സാധിച്ചില്ല” അലാന പറയുന്നു.

“അവരുടെ പ്രൊഫൈലില്‍ നിന്ന് ആ സ്ത്രീ വിവാഹിതയും ഒരു പെണ്‍കുട്ടിയുടെ അമ്മയുമാണെന്ന് കണ്ടു. നമ്മുടെ നാട്ടിലെ വിദ്യാഭ്യാസമുള്ള സ്ത്രീകളും ഇങ്ങനെയാണ് സംസാരിക്കുന്നത്. അവര്‍ ഒരു ഡോക്ടറോ നഴ്‌സോ ആണെന്നാണ് ബയോയില്‍ നിന്ന് മനസ്സിലായത്”, അലാന സോഷ്യല്‍ മീഡിയയില്‍ കുറിക്കുന്നു.