മമ്മൂട്ടിയുടെ ഇനി പുറത്തറങ്ങാനുള്ള ചിത്രമാണ് കടക്കൽ ചന്ദ്രനായെത്തുന്ന വൺ, ബോബി- സഞ്ജയ് ടീം തിരക്കഥ രചിച്ച വണ്ണിൽ കടക്കൽ ചന്ദ്രൻ എന്ന് പേരുള്ള കേരളാ മുഖ്യമന്ത്രി ആയാണ് മമ്മൂട്ടി അഭിനയിക്കുന്നത്. ഇതിലെ മമ്മൂട്ടിയുടെ ലുക്ക് നേരത്തെ തന്നെ സോഷ്യൽ മീഡിയയിൽ വൈറലായി മാറിയവയാണ്.
എന്നാൽ കടക്കൽ ചന്ദ്രനായുള്ള മമ്മൂട്ടിയുടെ അതേ ലുക്കിൽ പ്രത്യക്ഷപ്പെട്ടിരിക്കുന്ന മലയാളത്തിലെ ഒരു പ്രമുഖ നിർമ്മാതാവിന്റെ ചിത്രമാണ് സോഷ്യൽ മീഡിയയുടെ ശ്രദ്ധ നേടിയെടുക്കുന്നത്, അത് മറ്റാരുമല്ല, പ്രമുഖ മലയാള സിനിമാ നിർമ്മാതാവും വിതരണക്കാരനുമായ ആന്റോ ജോസഫ് ആണ് കടക്കൽ ചന്ദ്രന്റെ ലുക്കിൽ ഇപ്പോൾ സോഷ്യൽ മീഡിയയിൽ നിറയുന്നത്.
നിർമ്മാതാവായ ആന്റോ ജോസഫ് ഈ ലുക്കിൽ പ്രത്യക്ഷപ്പെട്ടിരിക്കുന്ന ചിത്രം പങ്കു വെച്ചിരിക്കുന്നത് പ്രമുഖ പ്രൊഡക്ഷൻ കോൺട്രോളറായ ബാദുഷയാണ്, ഇതാര്, കടക്കൽ ചന്ദ്രനോ, എന്ന ചോദ്യത്തോടെയാണ് ബാദുഷ ആന്റോ ജോസഫിന്റെ ചിത്രം തന്റെ ഫേസ്ബുക് അക്കൗണ്ടിലൂടെ പങ്കു വെച്ചിരിക്കുന്നത്, സൂപ്പർ താരം മമ്മൂട്ടിയെ വെച്ചും ഏറെ ചിത്രങ്ങൾ നിർമ്മിക്കുകയും വിതരണം ചെയ്തിരിക്കുകയും ചെയ്തിട്ടുള്ള ആന്റോ ജോസഫ് നിർമ്മിച്ച പുതിയ ചിത്രം ഫഹദ് ഫാസിൽ നായകനായ മാലിക് ആണ്.
Post Your Comments