സിനിമയിലെ നായികമാര്‍ക്ക് വെളുപ്പ് നിറമെന്നത് അവിഭാജ്യഘടകമായിരിക്കെ സിനിമയില്‍ കഴിവ് തെളിയിച്ച ശ്രുതി ജയന്‍ എന്ന നായികയ്ക്ക് പറയാനുള്ളത് തന്റെ കറുപ്പ് നിറത്തെക്കുറിച്ചാണ്. ഒരിക്കലും നിറം കുറഞ്ഞു പോയതിന്റെ പേരില്‍ തനിക്ക് വിഷമം തോന്നിയിട്ടില്ലെന്നും തനിക്ക് വെളുപ്പ് നിറമായിരുന്നുവെങ്കില്‍ സിനിമയില്‍ ഒന്നുമാകാന്‍ കഴിയാതെ പോകുമായിരുന്നുവെന്നും ശ്രുതി ജയന്‍ പറയുന്നു. കറുപ്പിന്റെ ഭംഗിയാണ് തന്നെ സിനിമയില്‍ നിലനിര്‍ത്തുന്നതെന്നും ‘അങ്കമാലി ഡയറീസ്’ എന്ന ചിത്രത്തിലൂടെ ശ്രദ്ധിക്കപ്പെട്ട ശ്രുതി പങ്കുവയ്ക്കുന്നു.
“എനിക്ക് തോന്നുന്നത് എന്റെ നിറം കൊണ്ടാണ് സിനിമയിലെത്തിയതെന്നാണ്. ഒരു പക്ഷെ വെളുപ്പ് നിറമായിരുന്നുവെങ്കില്‍ സിനിമ എനിക്ക് അതി വിദൂരമാകുമായിരുന്നു. തമിഴിലും തെലുങ്കിലുമൊക്കെ അഭിനയിക്കാന്‍ കഴിഞ്ഞു. അവിടെയും അവസരം കിട്ടിയത് ഈ നിറം കാരണമാണ്.അടുത്ത വീട്ടിലെ കുട്ടിയെ പോലെ തോന്നാറുണ്ടെന്ന് പറയും.ഈ നിറം എനിക്ക് അഭിമാനമാണ്.ഒരിക്കലും നിറം കുറഞ്ഞു പോയതിന്റെ പേരില്‍ വിഷമം തോന്നിയിട്ടില്ല. ഒരു തുടക്കകാരി എന്ന നിലയില്‍ വ്യത്യസ്ത വേഷങ്ങള്‍ ചെയ്യാന്‍ കഴിഞ്ഞതില്‍ സന്തോഷമുണ്ട്. തമിഴിലും തെലുങ്കിലും സിനിമകള്‍ ചെയ്തു.പുതിയ സിനിമ തമിഴിലാണ്. കാക്കി എന്നാണ് സിനിമയുടെ പേര്. എനിക്ക് ആ സിനിമ നല്ല പ്രതീക്ഷയുണ്ട്”.
Post Your Comments