വിവാഹം ചെയ്യാമെന്ന് വാക്ക് നല്‍കിയിട്ട് പിന്മാറിയതിന്റെ പേരില്‍ ഛായാഗ്രഹകന്‍ ശ്യാം കെ. നായിഡുവിനെതിരെ വഞ്ചനാകുട്ടവുമായി പ്രമുഖ നടി. അര്‍ജുന്‍ റെഡ്ഡി എന്ന ചിത്രത്തിലൂടെ ശ്രദ്ധിക്കപ്പെട്ട തെലുഗു നടി സായ് സുധയാണ് പരാതി നല്കിയത്. പരാതിയെ തുടര്‍ന്ന് ഛായാഗ്രഹകന്‍ ശ്യാം കെ. നായിഡുവിനെ ഹൈദരാബാദ് പോലീസ് അറസ്റ്റു ചെയ്തു.
നടിയും ശ്യാമും പ്രണയബന്ധത്തിലായിരുന്നുവെന്നും വിവാഹം ചെയ്യാമെന്ന് വാക്ക് നല്‍കി പിന്നീട് അതില്‍ നിന്നും പിന്‍മാറിയെന്നാണ് നടിയുടെ ആരോപണം. ബുധനാഴ്ച രാവിലെയാണ് പുഞ്ചഗുട്ടയിലെ പോലീസ് സ്‌റ്റേഷനില്‍ നടി ശ്യാമിനെതിരെ പരാതി ഫയല്‍ ചെയ്തത്.
വിവാഹവാഗ്ദാനം നല്‍കി ചൂഷണം ചെയ്യുകയും പിന്നീട് വിവാഹം കഴിക്കാന്‍ വിസമ്മതിച്ചുവെന്നുമാണ് പരാതിയില്‍ പറയുന്നത്. ആറ് മാസത്തോളമായി ശ്യാമും നടിയും തമ്മില്‍ പ്രണയത്തിലായിരുന്നുവെന്നും ഇപ്പോള്‍ തമ്മിലുണ്ടായ അഭിപ്രായവ്യത്യാസങ്ങളാണ് കേസില്‍ എത്തി നില്‍ക്കുന്നതെന്നും റിപ്പോര്‍ട്ടുകള്‍.
Post Your Comments