ലോകസുന്ദരി എന്ന് കേള്‍ക്കുമ്പോള്‍ ഏതൊരു ഇന്ത്യക്കാരനും ആദ്യം മനസ്സില്‍ എത്തുക ഐശ്യര്യ റായ് ആയിരിക്കും. സൗന്ദര്യത്തെ വര്‍ണിക്കുന്നതും ആ പേരു പറഞ്ഞു തന്നെ. ഇപ്പോള്‍ താരത്തിന്റെ ഒരു പഴയകാല ചിത്രമാണ് സോഷ്യല്‍മീഡിയയില്‍ വൈറലാകുന്നത്. ഇരിക്കാന്‍ ഒരു കസേര പോലുമില്ലാതെ നിലത്ത് അമ്മക്കൊപ്പം ഇരുന്ന് ഭക്ഷണം കഴിക്കുന്ന ഐശ്വര്യ റായ് യുടെ ചിത്രമാണ് വൈറലായി കൊണ്ടിരിക്കുന്നത്.
1994 ലാണ് ലോക സുന്ദരി പട്ടം ഐശ്വര്യ റായ് യെ തേടി എത്തുന്നത്. ചില ഫാന്‍ ക്ലബ്ബുകളാണ് ചിത്രം തേടിപ്പിടിച്ച് ഇന്റര്‍നെറ്റില്‍ എത്തിച്ചിരിക്കുന്നത്. എന്നാല്‍ ഈ ചിത്രം ഇടേണ്ട താമസമേയുണ്ടായിരുന്നുള്ളൂ ചിത്രം വൈറലാവാന്‍. ലോകസുന്ദരിയുടെ ആ ചിത്രം വളരെ പെട്ടെന്നു തന്നെ ആരാധകര്‍ ഏറ്റെടുക്കുകയായിരുന്നു.
സാരിയുടുത്ത് സ്വര്‍ണ്ണക്കമ്മലണിഞ്ഞു കയ്യില്‍ വളകള്‍ ധരിച്ച് തനിക്കു ലോക സുന്ദരി മത്സരത്തില്‍ ലഭിച്ച കിരീടവും കൂടിയാണ് ഐശ്വര്യ റായ് അമ്മ വൃന്ദ റായ്ക്കൊപ്പം നിലത്തിരുന്ന് ഭക്ഷണം കഴിക്കുന്നതാണ് ചിത്രത്തില്‍ കാണിച്ചിരിക്കുന്നത്. കഴിക്കുന്നത് രാജകീയ ഭോജനമല്ല.
അടുത്തതായി മണിരത്‌നം ചിത്രത്തിലാണ് ഐശ്വര്യ വേഷമിടുന്നത്. അദ്ദേഹത്തിന്റെ ഇരുവര്‍, ഗുരു, രാവണ്‍ എന്നീ ചിത്രങ്ങളില്‍ ഐശ്വര്യ തന്നെ ആയിരുന്നു നായിക. പുതിയ ചിത്രത്തിനായി ആരാധകര്‍ കാത്തിരിക്കുകയാണ്.
Post Your Comments