മലയാളത്തിന്റെ പ്രിയ സംവിധായകന്‍ ബേസില്‍ ജോസഫിന്റെ സോഷ്യല്‍ മീഡിയ പോസ്റ്റ്‌ വൈറല്‍. ഭാര്യയെ ട്രോളുക എന്നതാണ് ഈ ലോക്ഡൌണില്‍ ബേസിലിന്റെ പ്രധാന പണി. ഇപ്പോള്‍ ഭാര്യയുടെ രസകരമായ വിഡിയോ പങ്കുവെച്ചിരിക്കുകയാണ് താരം. വെബ്സീരീസ് ആവേശത്തോടെ കാണുന്ന എലിസബത്താണ് വിഡിയോയില്‍. താന്‍ ഒരു സൈക്കോയുടെ കൂടെയാണ് ജീവിക്കുന്നത് എന്ന് ഉറപ്പിച്ചു എന്നാണ് വിഡിയോ പങ്കുവെച്ചുകൊണ്ട് ബേസില്‍ കുറിച്ചത്.
ലോക്ക്ഡൗണിനെ തുടര്‍ന്ന് മിന്നല്‍ മുരളിയുടെ ഷൂട്ടിങ് നിര്‍ത്തിവെച്ച്‌ വീട്ടിലിരിക്കുകയാണ് ബേസില്‍. ”ഏതോ ടീവി സീരീസില്‍ അമേരിക്കന്‍ പട്ടാളം തീവ്രവാദികളെ വെടിവച്ചു കൊല്ലുന്ന രംഗം ആവേശത്തോടെ കാണുന്ന എലി . ഇനി ബിന്‍ ലാദന്‍ ആണെന്നും പറഞ്ഞു രാത്രി എന്നെ കുത്തി കൊല്ലുവോ എന്നാ എന്റെ പേടി . Yes it’s confirmed. I am living with a psycho!- ” ബേസില്‍ കുറിച്ചു. വിഡിയോയില്‍ കൊല്ല്, വെടിവെക്ക് എന്നെല്ലാം ആവേശത്തോടെ വിളിച്ചുകൂവുകയാണ് എലി.
കൊല്ലവനെ എന്നാണ് അജു വര്‍ഗീസും നീരജ് മാധവും കമന്റ് ചെയ്തിരിക്കുന്നത്. എലി എന്നെപ്പോലെ തന്നെയാണെന്നാണ് നടി ഐമ പറയുന്നത്. സംഗീത സംവിധായകന്‍ ഷാന്‍ റഹ്മാനും രസകരമായ കമന്റുമായി എത്തി. അളിയാ ഇവിടെ ഒരു ഐറ്റം ഉണ്ട്. സ്ട്രേഞ്ചര്‍ തിങ്സ് ആണ് ലഹരി. ഇതിനെ അങ്ങോട്ട് വിടാം. നീ ഇങ്ങു പോരെ, രണ്ടും കൂടി തമ്മില്‍ തല്ലി ചാവട്ടെ എന്നാണ് ഷാന്‍ പറയുന്നത്
Post Your Comments