7.2 മില്യണ്‍ ഫോളോവേഴ്‌സ് ഉണ്ടായിരുന്ന തന്റെ ഇന്‍സ്റ്റഗ്രാം അക്കൗണ്ട് ഡിആക്റ്റിവേറ്റ് ചെയ്ത് സിനിമാതാരം പ്രിയ പ്രകാശ് വാര്യര്‍. എന്നാല്‍ പിന്നീട് തിരിച്ചെത്തുമെന്നും ഇന്‍സ്റ്റഗ്രാമില്‍ നിന്ന് ഒരു താല്‍ക്കാലിക ഇടവേളയാണ് എടുക്കുന്നതെന്നുമാണ് റിപ്പോര്‍ട്ട്.
2019 ല്‍ ഒമര്‍ ലുലുവിന്റെ സംവിധാനത്തിലെത്തിയ ഒരു അഡാറ് ലവിലെ മാണിക്യമലരായ ഹൂറി എന്ന ഗാനരംഗത്തിലെ കണ്ണിറുക്കലിലൂടെയാണ് പ്രിയ വാര്യര്‍ പ്രശസ്തിയിലേക്ക് ഉയര്‍ന്നത്. പിന്നാലെ ഇന്‍സ്റ്റഗ്രാമില്‍ പ്രിയ ഒറ്റ ദിവസം കൊണ്ട് ആറ് ലക്ഷത്തിലധികം ഫോളോവേഴ്‌സിനെ നേടിയിരുന്നു. ഏറ്റവും വേഗത്തില്‍ ഇന്‍സ്റ്റഗ്രാമില്‍ ഒരു മില്യണ്‍ ഫോളോവേഴ്‌സിനെ നേടിയ ഇന്ത്യന്‍ സെലിബ്രിറ്റിയുമായി മാറിയിരുന്നു പ്രിയ.
അഡാറ് ലവിന് ശേഷം ശ്രീദേവി ബംഗ്ലാവ്, ലവ് ഹാക്കേഴ്‌സ് എന്നീ ഹിന്ദി ചിത്രങ്ങളിലും ചന്ദ്രശേഖര്‍ യെലെട്ടി സംവിധാനം ചെയ്ത തെലുങ്ക് ചിത്രത്തിലും താരം അഭിനയിച്ചിരുന്നു. ഒരു കന്നഡ ചിത്രവും പ്രിയ വാര്യരുടേതായി പുറത്തുവരാനുണ്ട്.
Post Your Comments