എന്തോന്നടെയ് ഇത് ഇതിന് വട്ടുണ്ടോ ; ചതിക്കാത്ത ചന്തുവിന് ശേഷം വീണ്ടും ചിരിപ്പിച്ച് ദിയ കൃഷ്ണകുമാര്‍

നടന്‍ കൃഷ്ണകുമാറിന്റെ മകളും നടി അഹാന കൃഷ്ണകുമാറിന്റെ സഹോദരിയുമായ ദിയ കൃഷ്ണകുമാര്‍ വീണ്ടും എത്തിയിരിക്കുകയാണ് ചിരിപ്പിക്കാന്‍. മലയാളികളെ ഏറെ ചിരിപ്പിച്ച മോഹന്‍ലാലും ജഗതിയും മത്സരിച്ചഭിനയിച്ച കിലുക്കത്തിലെ ഒരു രംഗമാണ് ദിയ കൃഷ്ണകുമാര്‍ അനുകരിച്ചിരിക്കുന്നത്. ചിത്രത്തില്‍ ഫോട്ടോഗ്രാഫര്‍ നിശ്ചല്‍ ആയി എത്തിയ ജഗതി ശ്രീകുമാറിന്റെ രംഗമാണ് ദിയ കൃഷ്ണകുമാര്‍ അനുകരിച്ചിരിക്കുന്നത്. വീഡിയോ ഇപ്പോള്‍ സോഷ്യല്‍മീഡിയയില്‍ വൈറലായിരിക്കുകയാണ്.

ചിത്രത്തില്‍ രേവതിയേയും കൂട്ടി മോഹന്‍ലാല്‍ ജഗതി താമസിക്കുന്ന ഇടത്തേക്ക് എത്തിയ ശേഷം ജഗതി രേവതിയെ പരിചയപ്പെടുത്തുന്നതും അവിടെ സംഭവിക്കുന്ന കോമഡി രംഗമാണ് ദിയ അവതരിപ്പിക്കുന്നത്. ഇതാണോ നീ പറഞ്ഞ കക്ഷിയെന്നും നൈസ് ടു മീറ്റ് ഊട്ടിയെന്നും പറയുന്ന രംഗമാണ് ദിയ കൃഷ്ണകുമാര്‍ അഭിനയിച്ചത്. ചിരിപ്പിക്കുന്ന രീതിയിലാണ് താരത്തിന്റെ അഭിനയം. ദിയ കൃഷ്ണകുമാറിന്റെ അഭിനയത്തെ പ്രശംസിച്ച് ആരാധകര്‍ കമന്റുകളുമായി രംഗത്ത് എത്തുന്നുണ്ട്.

https://www.instagram.com/p/B_9z4K3F_rl/

നേരത്തെ ദിയയും അച്ഛന്‍ കൃഷ്ണകുമാറും ചേര്‍ന്ന് ചതിക്കാത്ത ചന്തു എന്ന സിനിമയിലെ ഒരു രംഗം അഭിനയിച്ചിരുന്നു. ജയസൂര്യ നായകനായ ചതിക്കാത്ത ചന്തു എന്ന സിനിമയില്‍ ജയസൂര്യ കൃഷ്ണകുമാറിനെ സിനിമക്കാര്‍ ഉപയോഗിക്കുന്ന കത്തി എടുത്ത് കുത്തുന്ന ചിരിരംഗമാണ് അച്ഛന്‍ കൃഷ്ണകുമാറിനൊപ്പം ദിയ കൃഷ്ണകുമാര്‍ പുനരാവിഷ്‌ക്കരിച്ചത്.