ലോക്ക്ഡൗണില്‍ അടിപൊളി ഡാന്‍സുമായി എസ്തറും കൂട്ടുകാരും

മലയാളികള്‍ക്ക് ഏറെ ഇഷ്ടപ്പെട്ട താരമാണ് എസ്തര്‍ അനില്‍. ദൃശ്യത്തിലൂടെ ജനശ്രദ്ധ പിടിച്ചുപറ്റിയ താരമാണ് എസ്തര്‍. ഇപ്പോള്‍ ഇതാ സ്‌കൂള്‍ കൂട്ടുകാരുമൊത്ത് താരം ഒരുക്കിയ ഡാന്‍സ് വിഡിയോ വൈറലാകുകയാണ്. എസ്തര്‍ തന്നെ ഇന്‍സ്റ്റഗ്രാമില്‍ ഷെയര്‍ ചെയ്ത വീഡിയോ ഇതിനോടകം തന്നെ നിരവധി ആളുകളാണ് കാണുകയും പങ്കു വയ്ക്കുകയും ചെയ്തിരിക്കുന്നത്. ഓരോരുത്തരും അവരുടെ വീടുകളിലും പരിസരങ്ങളില്‍ നിന്നും എടുത്ത വീഡിയോകള്‍ കോര്‍ത്തിണക്കി കൊണ്ടാണ് വീഡിയോ ഉണ്ടാക്കിയിരിക്കുന്നത്.

‘ഒടുവില്‍ അലസത വിട്ട് ലോക്ഡൗണ്‍ കാലത്ത് ഞാന്‍ ഒരു രസകരമായ കാര്യം ചെയ്തു. അതും എന്റെ കൂട്ടുകാര്‍ക്കു വേണ്ടി. ഈ ആശയം കൊണ്ടുവന്നതിനും അക്ഷരാര്‍ത്ഥത്തില്‍ എന്നെ ഇതിലേക്ക് വലിച്ചിട്ടതിനും നന്ദി. നിങ്ങള്‍ നൃത്തം ചെയ്യുന്നതും ഭ്രാന്തമായ കാര്യങ്ങള്‍ ചെയ്യുന്നതും ഞാന്‍ ഇഷ്ടപ്പെട്ടു, അതൊക്കെ കഴിഞ്ഞു പോയ നമ്മുടെ സ്‌കൂള്‍ കാലം എന്നെ ഓര്‍മിപ്പിച്ചു. നിങ്ങളെയൊക്കെ ഒന്നു കൂടി കാണാന്‍ കാത്തിരിക്കുന്നു’ വിഡിയോ പങ്കു വച്ചു കൊണ്ട് എസ്തര്‍ കുറിച്ചു.

https://www.instagram.com/tv/B_rNobVJTyK/?utm_source=ig_embed