കോവിഡ് വ്യപനം കുറയ്ക്കുന്നതിനായി ലോക്ഡൗണില്‍ കഴിയുകയാണ് ലോകം മുഴുവന്‍. ഇതിന്റെ ഭാഗമായി ആളുകള്‍ വീടുകളില്‍ സ്വയം ഐസൊലേഷനില്‍ കഴിയുകയാണ്. എന്നാൽ ലോക്ഡൗണില്‍ ഗാര്‍ഹിക പീഡനം വര്‍ദ്ധിക്കുന്നതായുള്ള റിപ്പോര്‍ട്ടുകളാണ് ഇപ്പോൾ പുറത്തു വരുന്നത്. ഇതിനെ തുടർന്ന് ഗാര്‍ഹിക പീഡനത്തിനെതിരായിട്ട് ‘ഹിറ്റ് മി ചലഞ്ചുമായി എത്തിയിരിക്കുകയാണ് സിനിമാ-സീരിയല്‍ താരങ്ങള്‍.
നടി ശ്വേതാ തിവാരിയാണ് ഹിറ്റ് മി ചാലഞ്ചിന്റെ വീഡിയോ പങ്കുവെച്ചിരിക്കുന്നത്. ശ്വേത ഒരാളെ അടിക്കുന്നതായാണ് വീഡിയോ ആരംഭിക്കുന്നത്. കരണ്‍ വീര്‍ മെഹ്‌റ, റിഷിന കന്താരി, പ്രിയങ്ക കലാന്ത്രി, ശരദ് മല്‍ഹോത്ര, ദെബീന ബനര്‍ജി, രൊമാഞ്ച് മെഹ്ത, കൃപ് കപൂര്‍ സൂരി എന്നിവരും വീഡിയോയിലുണ്ട്.
ഓരോ താരങ്ങളുടെ വീഡിയോയും എഡിറ്റ് ചെയ്താണ് ശ്വേത പങ്കുവെച്ചിരിക്കുന്നത്. എന്നാൽ
നിങ്ങള്‍ ഗാര്‍ഹിക പീഡനത്തെ അറിയാതെ പ്രോത്സാഹിപ്പിക്കുകയാണ് എന്നാണ് വീഡിയോയ്ക്ക് താഴെ വരുന്ന കമന്റുകള്‍. ഇത് വൈറസിനേക്കാള്‍ ക്രൂരം എന്നും ചിലർ പറയുന്നു.
Post Your Comments