സോഷ്യല്‍ മീഡിയയില്‍ സജീവമായ നടിയാണ് അഹാന. താരത്തിനു ഒരു കിടിലം പണി കൊടുത്തിരിക്കുകയാണ് സഹോദരി ദിയ. അഹാനയ്ക്ക് കിട്ടിയ ‘ഗുലുമാൽ’ പണി സമൂഹമാധ്യമങ്ങളിൽ വൈറലായിക്കഴിഞ്ഞു.
താരങ്ങളെപ്പറ്റിച്ച് ശ്രദ്ധനേടുന്ന ഗുലുമാല്‍ അനൂപിനായിരുന്നു ദിയയുടെ ‘ക്വട്ടേഷൻ’. ലോക്ഡൗൺ ആയതിനാൽ ഫോണിലൂടെയായിരുന്നു അനൂപ് അഹാനയെ പറ്റിച്ചത്. അത് വീട്ടിലിരുന്ന് വീഡിയോ എടുത്തത് ദിയയും. സംഭവം ഇങ്ങനെ… പുതുമുഖ സംവിധായകന്‍ ആണെന്ന് പറഞ്ഞുകൊണ്ട് ഒരു കഥ പറയാനായി അഹാനയെ അനൂപ് വിളിച്ചു. തുടര്‍ന്ന് ആമസോൺ കാടുകളിൽ ഒറ്റപ്പെട്ടുപ്പോകുന്ന രണ്ട് കുട്ടികളുടെ കഥ അവതരിപ്പിച്ചു. വില്ലന്മാരായി അപ്പൂപ്പനും അമ്മൂമ്മയും, അവർക്കൊരു കൂട്ടാളികളുണ്ട് ജയിലിൽ നിന്നിറങ്ങിയ വിക്രമനും മുത്തുവും. ഇവരിൽ നിന്നും ഒരദൃശ്യ ശക്തി കുട്ടികളെ രക്ഷിക്കുന്നതാണ് കഥ.
ഈ കഥ എവിടെയോ കേട്ടതുപോലെ ഉണ്ടെന്ന് അഹാന, എന്നാൽ അഹാനയെയും ടൊവീനോയെയുമാണ് പ്രധാനതാരങ്ങളായി നിശ്ചയിച്ചിരിക്കുന്നതെന്ന് അനൂപും. പറഞ്ഞു. ടൊവീനോയോട് ഇക്കാര്യം പറഞ്ഞിട്ടുണ്ടോ എന്നായി അഹാന. അത് അഹാന തന്നെ പറയണമെന്നു അനൂപ് പറഞ്ഞതോടെ സംശയം തോന്നിയ അഹാനയ്ക്ക് കാര്യങ്ങൾ അവസാനം പിടികിട്ടി. കൈവിട്ടുപോയെന്നറിഞ്ഞ അനൂപ് തന്നെ ഒടുവിൽ സസ്പെൻസ് പൊളിക്കുകയായിരുന്നു.
Post Your Comments