സോഷ്യൽ മീഡിയിൽ സജീവമായ മലയാളത്തിലെ യുവതാരങ്ങളിലൊരളാണ് കാളിദാസ് ജയറാം. ഇപ്പോഴിതാ താരത്തിന്റെ പുതിയൊരു ചിത്രത്തിന് ആരാധകൻ നൽകിയ കമന്റും അതിന് കാളിദാസ് നൽകിയ മറുപടിയുമാണ് സോഷ്യൽ മീഡിയിൽ വൈറലായിരിക്കുന്നത്. താരത്തിന്റെ പുതിയ ചിത്രമായ ജാക്ക് ആൻഡ് ജില്ലിൽ നിന്നുള്ളൊരു ഫോട്ടോ കാളിദാസ് ഇൻസ്റ്റഗ്രാമിൽ പങ്കുവച്ചിരുന്നു.
ഉടനെ തന്നെ ആരാധകന്റെ കമന്റ് എത്തി ‘ അടുത്ത മഴക്കാലത്തിനു മുന്നേ എങ്കിലും ഇറങ്ങുവോ?. ചോദ്യത്തിനുള്ള കാളിദാസന്റെ മറുപടിയായിരുന്നു ഏറെ രസകരം.
‘ബ്രോ, നിങ്ങൾ ശരിക്കും തിയറ്ററിൽ പോയിരുന്ന് കൊറോണ പിടിക്കാൻ ആഗ്രഹിക്കുന്നുണ്ടോ’ എന്നാണ് കാളിദാസ് തിരികെ ചോദിച്ചത്. താരത്തിന്റെ മറുപടിക്കു പിന്തുണയുമായി നിരവധി പേരാണ് എത്തിയിരിക്കുന്നത്.
സന്തോഷ് ശിവൻ സംവിധാനം ചെയ്യുന്ന ചിത്രമാണ് ‘ജാക്ക് ആൻഡ് ജിൽ’ . മഞ്ജു വാരിയരും, കാളിദാസ് ജയറാമും, സൗബിൻ ഷാഹിറുമാണ് പ്രധാന കഥാപാത്രങ്ങളെ അവതരിപ്പിക്കുന്നത്.
Post Your Comments