എനിക്ക് ഈ എഡിറ്ററെ വിവാഹം ചെയ്യണം; മലയാളി യുവാവിന്റെ ട്രോൾ വീഡിയോ പങ്കുവെച്ച് സംവിധായകൻ രാം ഗോപാൽ വർമ

അമേരിക്കന്‍ പ്രസിഡന്റ് ഡൊണാള്‍ഡ് ട്രംപിനെ കൊണ്ട് ആമിനത്താത്തേടെ പൊന്നുമോളാണ് എന്ന് തുടങ്ങുന്ന മാപ്പിളപ്പാട്ട് പാടിച്ച അജ്മലിന്റെ വീഡിയോ സോഷ്യൽ മീഡിയിൽ വൈറലായിരുന്നു.  പാട്ടിന്റെ വരികൾക്കനുസരിച്ച് ചുണ്ട് ചലിപ്പിക്കുന്ന ട്രംപല്ല ആ പാട്ട് യഥാർഥത്തിൽ പാടുന്നതെന്ന് പറഞ്ഞാൽ സാക്ഷാൽ ട്രംപ് പോലും ചിലപ്പോൾ വിശ്വസിച്ചെന്നു വരില്ല.

 

I want to marry this editor ? pic.twitter.com/1qOiZ9KXbv

— Ram Gopal Varma (@RGVzoomin) April 22, 2020

ഇപ്പോഴിതാ ഇതേ രീതിയിൽ നരേന്ദ്രമോദിയെയും ട്രംപിനെയും കൊണ്ട് വീണ്ടും ഒരു പാട്ടു പാടിപ്പിച്ചിരിക്കുകയാണ് ട്രോളൻമാർ. ഇത്തവണ തമിഴ് സിനിമയായ ‘ദളപതി’ എന്ന ചിത്രത്തിലെ ‘കാട്ട് കുയില്’ എന്ന പാട്ടാണ് ട്രോളൻമാർ ഇരുവരെയും കൊണ്ടു പാടിപ്പിച്ചത്. ഇപ്പോഴിതാ വീഡിയോ കണ്ട് അമ്പരന്നിരിക്കുകയാണ് സംവിധായകൻ രാം ​ഗോപാൽ വർമ. എനിക്ക് ഈ എഡിറ്ററെ വിവാഹം ചെയ്യണം എന്ന് പറഞ്ഞ് ട്വീറിലൂടെയാണ് രാം ​ഗോപാൽ വർമ വീഡിയോ പങ്കുവെച്ചിരിക്കുന്നത്.

മലയാളിയായ വിഘ്‌നേഷ് ജയൻ ആണ് ഈ ട്രോൾ വിഡിയോയ്ക്കു പിന്നിൽ.