ലോകം കൊറോണ ഭീതിയില്‍ കഴിയുകയാണ്. മിക്ക രാജ്യങ്ങളും ലോക്ഡൗണ്‍ ചെയ്തിരിക്കുകയാണ്. ചിത്രീകരണങ്ങള്‍ എല്ലാം നിര്‍ത്തിവച്ചതോടെ വരുമാനം ഇല്ലാതെയിരിക്കുകയാണ് ജൂനിയര്‍ താരങ്ങള്‍. ഈ ലോക്ഡൌണില്‍ സാമ്ബത്തിക പ്രതിസന്ധിയില്‍ അകപ്പെട്ടെന്ന് അറിയിച്ച്‌ തല അജിത്തിന്റെ സഹായം തേടി നടന്‍ തീപെട്ടി ഗണേശ്. താരത്തിന്റെ വീഡിയോ ശ്രദ്ധയിപ്പെട്ട രാഘവ ലോറന്‍സ് സഹായം പ്രഖ്യാപിച്ചിരിക്കുകയാണ്. നടന്‍ സംസാരിക്കുന്ന വീഡിയോ റീട്വീറ്റ് ചെയ്തുകൊണ്ടാണ് ഇക്കാര്യം അജിത്തിനെ അറിയിക്കുമെന്നും കുട്ടികളുടെ പഠന സഹായം ചെയ്യുകെന്നും ലോറന്‍സ് അറിയിച്ചത്.
ലോക്ക്ഡൗണ്‍ കാരണം ജോലി കണ്ടെത്താന്‍ കഴിയുന്നില്ലെന്നും തന്റെ രണ്ട് ആണ്‍മക്കളുടെ ഭാവിയെ കുറിച്ചോര്‍ത്ത് ഭയമാണെന്നും പറഞ്ഞ് ഒരു അഭിമുഖത്തിലാണ് തീപെട്ടി ഗണേശന്‍ അജിത്തിന്റെ സഹായം തേടിയത്. സഹായം തേടി അജിത്തിനെ സമീപിക്കാന്‍ സാധ്യമായ എല്ലാ വഴികളും താന്‍ ശ്രമിച്ചിട്ടുണ്ടെങ്കിലും ഒന്നും നടന്നില്ലെന്നും ഗണേശന്‍ വീഡിയോയില്‍ പറഞ്ഞു. ഇത് ശ്രദ്ധയില്‍പ്പെട്ട ലോറന്‍സ് സമൂഹമാധ്യമത്തില്‍ കുറിച്ചത് ഇങ്ങനെ..
“ഹായ് സഹോദരാ ഇപ്പോഴാണ് എന്റെ സുഹൃത്ത് ഈ വീഡിയോ പങ്കുവച്ചത്. ഈ വീഡിയോ അജിത്ത് സര്‍ന്റെ മാനേജര്‍ക്ക് അയക്കാം. അത് അജിത് സാറിലേക്ക് എത്തിയാല്‍ അദ്ദേഹം തീര്‍ച്ചയായും സഹായിക്കും. അദ്ദേഹം വളരെ ദയയുള്ള വ്യക്തിയാണ്. നിങ്ങളുടെ കുട്ടികളെ വിദ്യാഭ്യാസത്തിനായി ഞാനും സഹായിക്കും. നിങ്ങളുടെ കോണ്ടാക്റ്റ് വിശദാംശങ്ങള്‍ നല്‍കൂ” എന്നാണ് .
Post Your Comments