ചിരിക്കാന്‍ മലയാളികള്‍ക്ക് ഏറെ ഇഷ്ടമാണ്. അതിനായി നിരവധി പരിപാടികള്‍ ടെലിവിഷന്‍ ചാനലുകള്‍ ഒരുക്കുന്നുണ്ട്. അത്തരത്തില്‍ ജനപ്രീതി നേടിയ ഒരു ഷോയാണ് കോമഡി സ്റ്റാര്‍സ്. ജീവിതാനുഭവങ്ങളുടെ നര്‍മ്മ മുഖങ്ങള്‍ അവതരിപ്പിച്ച ഈ ഷോയിലൂടെ ജനമനസ്സുകളില്‍ ഇടം നേടിയ കലാകാരന്‍ ഷാബുരാജ് വിടവാങ്ങി. സ്‌റ്റേജ്-റിയാലിറ്റി ഷോകളിലൂടെ എന്നും ഓര്‍ത്തിരിക്കാന്‍ ഒരുപിടി നര്‍മ മുഹൂര്‍ത്തങ്ങള്‍ സമ്മാനിച്ച ഈ കലാകാരന്‍ ഇനി ഓര്‍മകളില്‍ മാത്രം.
റിയാലിറ്റി ഷോയില്‍ സൈക്കോ ചിറ്റപ്പനായി രംഗപ്രവേശം ചെയ്ത് കയ്യടി നേടിയ കലാകാരനാണ് ഷാബുരാജ്. നിര്‍ധന കുടുംബത്തില്‍ നിന്നും കലാകാരനായി വളര്‍ന്നു വന്ന ഷാബുരാജ് മിമിക്രി വേദികളിലൂടെയാണ് കയ്യടി നേടുന്നത്. ഏഷ്യാനെറ്റില്‍ സംപ്രേഷണം ചെയ്‍ത കോമഡി സ്റ്റാര്‍സിലൂടെയാണ് ഷാബുരാജ് ശ്രദ്ധേയനായത്. കോമഡി സ്റ്റാര്‍സ് 2വില്‍ ചിരിപ്പിക്കുന്നതും ചിന്തിപ്പിക്കുന്നതുമായ ഒട്ടേറെ വേഷങ്ങള്‍ കൈകാര്യം ചെയ്‍ത ഷാബുവിനു ആരാധകര്‍ ഏറെയാണ്‌. സ്‍ത്രീവേഷങ്ങളായിരുന്നു ഒരു കാലത്ത് അദ്ദേഹം അധികവും ചെയ്‍തിരുന്നത്. അടുത്തകാലത്ത് പുരുഷവേഷങ്ങളിലും തിളങ്ങിയ ഈ കലാകാരന്‍ ചിരിപ്പിക്കാന്‍ ഇനി നമുക്കൊപ്പമില്ല.
ഹൃദയാഘാതത്തെ തുടര്‍ന്നായിരുന്നു ഷാബുവിന്റെ അന്ത്യം. നെഞ്ചു വേദനയെ തുടര്‍ന്ന് ഷാബുരാജിനെ ഇന്നലെയാണ് ആശുപത്രിയില്‍ പ്രവേശിപ്പിച്ചത്.
Post Your Comments