ബിഗ് ബോസ് ഷോയിലൂടെ പ്രേക്ഷകർക്ക് സുപരിചിതയായ താരമാണ് അലക്‌സാന്‍ഡ്ര. എയര്‍ഹോസ്റ്റസ് കൂടിയായ അലക്‌സാന്‍ഡ്ര പിന്നീട് ആ ജോലി ഉപേക്ഷിച്ച് മോഡലിംഗിലേക്ക് മാറിയിരുന്നു. സോഷ്യൽ മീഡിയയിലും സജീവമായ താരം നിരന്തരം ആരാധകരുമായി സംവദിക്കാറുണ്ട്. കഴിഞ്ഞ ദിവസം ഫേസ്ബുക്ക് ലൈവിലെത്തി തന്റെ വിശേഷങ്ങള്‍ അലക്‌സാന്‍ഡ്ര പങ്കുവെച്ചിരുന്നു. ഒപ്പം ഇൻസ്റ്റഗ്രാമിലെ ചോദ്യോത്തരങ്ങള്‍ക്കും താരം മറുപടി കൊടുത്തിരുന്നു. ഇപ്പോഴിതാ മുട്ടനൊരു പണി കിട്ടിയതിനെ കുറിച്ച് വെളിപ്പെടുത്തിയിരിക്കുകയാണ് അലക്‌സാന്‍ഡ്ര.
അലക്‌സാന്‍ഡ്ര ജോണ്‍സണ്‍ എന്ന പേരിലുള്ള ഇന്‍സ്റ്റാഗ്രാം പേജ് ആരോ ഹാക്ക് ചെയ്തിരിക്കുകയാണ്. വൈകാതെ തിരിച്ച് വരുമെന്ന് സൂചിപ്പിച്ച് സാന്ദ്ര തന്നെയാണ് ഇക്കാര്യം ആരാധകരെ അറിയിച്ചിരിക്കുന്നത്. പോസ്റ്റിന് താഴെ അലക്‌സാന്‍ഡ്രയ്ക്ക് പിന്തുണയുമായി നിരവധി ആരാധകരാണ് എത്തുന്നത്. ഇതൊന്നും പ്രശ്‌നമില്ലെന്നും വേഗം തിരിച്ച് വരാനുമൊക്കെ ആരാധകര്‍ പറയുന്നു.
ബിഗ് ബോസിൽ നിന്ന് എത്തിയതിന് ശേഷം സമാനമായ അവസ്ഥ നേരത്തെ ഫുക്രുവിനും സംഭവിച്ചിരുന്നു. തന്റെ അക്കൗണ്ട് ആരോ ഹാക്ക് ചെയ്തുവെന്ന് ഒരു വീഡിയോയിലൂടെയാണ് ഫുക്രു ആരാധകരെ അറിയിച്ചത്. ഒപ്പം തനിക്ക് വധഭീഷണി നേരിടേണ്ടി വന്നിരുന്നുവെന്നും ഫുക്രു വെളിപ്പെടുത്തിയിരുന്നു.
Post Your Comments