മലയാള സിനിമയിലെ സാമ്രാട്ടുകളിൽ ഒരാളാണ് മാമുക്കോയ. നാൽപത്തിയൊന്ന് വർഷം മുൻപ് അന്യരുടെ ഭൂമി എന്ന ചിത്രത്തിലൂടെ സിനിമയിൽ അരങ്ങേറ്റം കുറിച്ച മാമുക്കോയ. ഇന്ന് 450-ലധികം മലയാള സിനിമയിലാണ് അഭിനയിച്ചിരിക്കുന്നത്. കൂടാതെ ഹാസ്യ നടനുള്ള സംസ്ഥാന ചലച്ചിത്ര പുരസ്‍കാരം കരസ്ഥമാക്കിയ ആദ്യ മലയാള നടൻ കൂടിയാണ് മാമുക്കോയ. ഇന്നും ട്രോളന്മാർക്കിടയിൽ മാമുക്കോയയുടെ ഹിറ്റ് ഡയലോഗുകൾ ഹിറ്റാണ്.
ഇപ്പോഴിതാ സിനിമയിൽ വന്നു നാൽപത്തിയൊന്ന് വർഷത്തിന് ശേഷം തമിഴ് സിനിമ മേഖലയിലേക്ക് അരങ്ങേറ്റം കുറിക്കുകയാണ് മാമുക്കോയ. സൂപ്പർ താരം ചിയാൻ വിക്രം നായകനായി എത്തുന്ന ബ്രഹ്മാണ്ഡ ചിത്രമായ കോബ്രയിലൂടെയാണ് മാമുക്കോയ കോളിവുഡിൽ അരങ്ങേറ്റം കുറിക്കുന്നത്.
വിക്രം ഇരുപത്തിയഞ്ചോളം ഗെറ്റപ്പുകളിൽ പ്രത്യക്ഷപ്പെടുന്ന ഈ ചിത്രം സംവിധാനം ചെയ്യുന്നത് ആർ അജയ് ജ്ഞാനമുത്തു ആണ്. ഒപ്പം പ്രശസ്ത ഇന്ത്യൻ ക്രിക്കറ്റ് താരമായിരുന്ന ഇർഫാൻ പത്താൻ ആദ്യമായി അഭിനയിക്കുന്ന തമിഴ് ചിത്രമെന്ന പ്രത്യേകതയും ഇതിനുണ്ട്.
Post Your Comments