ലോകം മുഴുവന്‍ കൊറോണ വൈറസ് വ്യാപനമാണ്. ഒന്നര ലക്ഷത്തോളം ആളുകള്‍ മരണപ്പെട്ടു. ഈ സാഹചര്യത്തില്‍ പല രാജ്യങ്ങളും ലോക്ക് ഡൌണിലാണ്. കൊറോണ ബാധയെ തുടര്‍ന്നുണ്ടായ സങ്കീര്‍ണ പ്രശ്നങ്ങളെ തുടര്‍ന്ന് പ്ര മുഖ നടന്റെ കാല്‍ മുറിച്ചു കളയുന്നു.
ടിവി സീരിസുകളിലൂടെ പ്രശസ്തനായ നിക് കോര്‍ഡെറോവിന്റെ ഇടതു കാലാണ് മുറിച്ചു കളയേണ്ടി വരുന്നത്. ഇദ്ദേഹത്തിന്‍റെ ഭാര്യ അമാന്‍ഡ ക്ലൂട്ട്സാണ് ഇന്‍സ്റ്റഗ്രാമിലൂടെ ഇതു സംബന്ധിച്ച വിവരം ശനിയാഴ്ച പുറത്തു വിട്ടത്. നടന്റെ ഇടതുകാലില്‍ രക്തം കട്ട പിടിച്ചതാണ് നില വഷളാക്കിയത്. ആന്തരിക രക്തസ്രാവവും രക്തസമ്മര്‍ദവും വര്‍ധിച്ചതിനെ തുടര്‍ന്നാണ് കാല്‍ മുറിച്ചു കളയേണ്ടി വരുമെന്ന് ഡോക്ടര്‍മാര്‍ നിര്‍ദേശിച്ചതെന്ന് അമാന്‍ഡ വ്യക്തമാക്കി
കൊറോണ ബാധയെ തുടര്‍ന്ന് മാര്‍ച്ച്‌ 31 നാണ് നികിനെ ആശുപത്രിയില്‍ പ്രവേശിപ്പിച്ചത്. ലോസ് ആഞ്ജലിസിലെ ആശുപത്രിയില്‍ ചികിത്സയിലാണ് അദ്ദേഹം. അദ്ദേഹത്തിന്റെ ഏതാനും സുഹൃത്തുക്കള്‍ക്കും സഹപ്രവര്‍ത്തകര്‍ക്കും കൊറോണ സ്ഥിരീകരിച്ചുവെന്നും റിപ്പോര്‍ട്ടുകളുണ്ട്. എന്നാല്‍ ഭാര്യക്കും കുഞ്ഞിനും കൊറോണ ബാധയുണ്ടായില്ല എന്നതും ആശ്വാസ്യകരമാണ്.
Post Your Comments