ലോകമെമ്പാടുമുള്ള റെഡ് കാർപെറ്റുകളിലെ നിറ സാന്നിധ്യം ആവട്ടെ’; ബിഗ് ബോസ് താരം സുജോയെ ജെയിംസ് ബോണ്ടുമായി ഉപമിച്ച് രഘു

ബിഗ് ബോസിലെ തന്റെ സഹമല്‍സരാര്‍ത്ഥികളെ കുറിച്ച് ആർ ജെ രഘു തുറന്നെഴുതുകയാണ്. ഓരോ ദിവസവും ഓരോ പ്രശസ്‌തരായ താരങ്ങളുമായിട്ടാണ് ഉപമിക്കുന്നത്. ഇപ്പോഴിതാ സുജോയെ കുറിച്ചാണ് തുറന്നെഴുത്തിയിരിക്കുന്നത്. സുജോയെ ജെയിംസ് ബോണ്ട് താരം ഡാനിയല്‍ ക്രെയ്ഗുമായിട്ടാണ് . സുജോയെ താരതമ്യപ്പെടുത്തിയിരിക്കുന്നത്.

കുറിപ്പിന്റെ പൂർണരൂപം……………………………..

ഒരിക്കലെങ്കിലും രണ്ടു വിരൽ തോക്കിൻ്റെ രൂപത്തിലാക്കി ‘ ഐ ആം ബോണ്ട് ..ജെയിംസ് ബോണ്ട് ‘ എന്ന് പറയാത്തവർ കുറവാണ് .ജെയിംസ് ബോണ്ട് സീരിസിലെ ഇപ്പോഴത്തെ ബോണ്ട് ആണ് ‘ക്രേഗ് ‘. 16 ആം വയസ്സിലെ ഇംഗ്ലണ്ടിലെ ഒരു പിടി ആർട് സ്കൂളുകൾ തള്ളിക്കളഞ്ഞ പ്രൊഫൈൽ ആണ് ഡാനിയൽ ക്രേഗിൻ്റെ , “കാരണം ഇടുങ്ങിയ കണ്ണുകൾ ഒരു അഭിനേതാവിനു ചേരുന്നതല്ല ” എന്നതായായിരുന്നു . ഇന്ന് ലോക ഭൂപടത്തിൽ സമ്പന്നരായ അഭിനേതാക്കളുടെ ലിസ്റ്റിൽ ഡാനിയൽ ക്രേഗിൻ്റെ പേര് കിടക്കുന്നതു മുന്നിൽ തന്നെയാണ് . വിമർശനങ്ങൾ ഹാർഡ് വർക്കിലൂടെ മാറ്റിയെടുത്ത് ലോകത്തിനുമുന്നിൽ ഗമയോടെ നിലക്കുന്ന ഉദാഹരണമാണ് ക്രേഗ് .

ഇംഗ്ലണ്ടിലെ BBC പരമ്പരകളിൽ തിളങ്ങി നിന്ന ക്രേഗ് , ഹോളിവുഡിലേക്ക് ചേക്കേറിയത് കുഞ്ഞു റോളുകളിൽ മുഖം കാണിക്കാൻ മാത്രമായിയിരുന്നു .ടോംബ് റൈഡർ മുതൽ ക്രേഗ് ലോക മാർക്കറ്റിൽ ശ്രദിക്കപ്പെടുന്ന നടനായി മാറി .സ്പിൽബർഗിനെ പോലെ പ്രശസ്ത സംവിധായകർ ക്രേഗിൻ്റെ കാൾ ഷീറ്റിനു വേണ്ടി കാത്തുനിന്നു .2005 ഇൽ ആദ്യ ജെയിംസ് ബോണ്ട് സിനിമക്ക് കരാർ ചെയ്ത ശേഷവും സ്പിൽബെർഗ് സിനിമയായ മ്യൂണിക്കിൽ ക്രെഗ് അഭിനയിച്ചു .താനിഷ്ടപ്പെടുന്ന നടന്മാരുടെ പട്ടികയിൽ ക്രേഗിൻ്റെ സ്ഥാനം മുന്നിലാണ് എന്ന് അഭിപ്രായപ്പെട്ടതു സ്പിൽബെർഗ് തെന്നെയാണ് .
ബോണ്ട് സിനിമകളുടെ കഥാപാത്ര സവിശേഷതക്കായി ശാരീരികമായും , മാനസികമായും ക്രേഗ് തയാറായി. ലോകത്തെ ഏറ്റവും ‘സെക്സിയെസ്റ്റ് മാൻ ‘ എന്ന പദവി പലപ്പോഴും ക്രേഗിനെ തേടി എത്തി . ഡ്യൂപ്പ് ഇല്ലാതെ 80% സീനുകളും പൂർത്തിയാക്കിയ ആദ്യ ബോണ്ട് എന്ന പദവി ക്രേഗിന് സ്വന്തം . ലോകത്തെ കഴിഞ്ഞ 15 വർഷത്തെ സ്റ്റൈൽ സെക്ടറിലെ ട്രെൻഡിങ് താരമാണ് ക്രെഗ് .വൻകിട ബ്രാൻഡുകളുടെ അംബാസിഡർ ആവാൻ ക്രേഗിന് മുന്നിൽ ഓഫറുകൾ ക്യൂ നിൽക്കുമ്പോഴും തന്റെ കാര്യങ്ങൾ സെലിബ്രിറ്റി ഗമയില്ലാതെ സാധാരണക്കാരനെ പോലെ ജീവിക്കുന്ന താരമായാണ് ക്രേഗ് അറിയപ്പെടുന്നത് “ഗ്രോസറി ഷോപ്പിൽ ഡിഷ് വാഷ് തപ്പുന്നതിനിടക്കാന് ബോണ്ട് പ്രൊഡ്യൂസർ ‘ ബാർബ്രെ ബ്രുക്ലിയുടെ ‘ ഫോൺ കാൾ വരുന്നത് , ഡിഷ് വാഷ് താഴെ വച്ചു ഞാൻ ‘വോഡ്ക്കയുടെ’ അരികിലേക്കോടി എൻ്റെ ആഘോഷം അവിടെ തീർന്നു (കാസിനോ റോയൽ സിനിമാ പ്രൊമോഷൻ അഭിമുഖത്തിലെ വാചകം ).
തന്റെ പ്രവർത്തന മേഖലയിൽ കഠിനാധ്വാനവും ആത്മസമർപ്പണവും നടത്തുന്ന സുജോയും ലോകമെമ്പാടുമുള്ള റെഡ് കാർപെറ്റുകളിലെ നിറ സാന്നിധ്യം ആവട്ടെ.