Jannah Theme License is not validated, Go to the theme options page to validate the license, You need a single license for each domain name.
CinemaGeneralMollywoodNEWS

പൈസ എനിക്ക് നല്‍കിട്ട് പറഞ്ഞു ഞാന്‍ പട്ടിണി കിടക്കുമെടാ എനിക്കത് ശീലമാ: കൊച്ചിന്‍ ഹനീഫയെക്കുറിച്ച് മണിയന്‍പിള്ള രാജു

അന്ന് ഉച്ചയ്ക്ക് ഭക്ഷണം കഴിക്കാന്‍ ഹനീഫ പോകുന്നത് ഞാന്‍ കണ്ടില്ല

പഴയകാല മദ്രാസ്‌ സിനിമാ ജീവിതത്തില്‍ തനിക്ക് ഉണ്ടായിരുന്ന ഉറ്റമിത്രം കൊച്ചിന്‍ ഹനീഫയുമായി ബന്ധപെട്ടു ഇന്നും മനസ്സില്‍ തങ്ങി നില്‍ക്കുന്ന വേറിട്ട ഒരു അനുഭവം പങ്കുവയ്ക്കുകയാണ് മണിയന്‍പിള്ള രാജു.

‘മദ്രാസില്‍ എനിക്ക് അന്ന് വലിയ സുഹൃത്തുക്കള്‍ ഒന്നുമുണ്ടായിരുന്നില്ല. ഞാന്‍ അന്ന് ഉമാ ലോഡ്ജില്‍ താമസിക്കുമ്പോള്‍ എനിക്കൊപ്പം ഉണ്ടായിരുന്നത് ഒന്ന് കൊച്ചിന്‍ ഹനീഫ, പിന്നെ സംവിധായകന്‍ കമല്‍, ജോര്‍ജ്ജ് കിത്തു എന്നിവരാണ്. അന്നവര്‍ അസോസിയേറ്റ് ആയിരുന്നു. അന്ന് വളരെ ബുദ്ധിമുട്ടിയുള്ള ജീവിതമായിരുന്നു, ഹനീഫയെ എനിക്ക് മറക്കാനേ കഴിയില്ല. ഞാന്‍ കൃത്യസമയത്ത് ഭക്ഷണം കഴിക്കുന്ന ആളാണ്. ഹനീഫയൊന്നും അങ്ങനെയല്ല. ഒരു ദിവസം ഞാന്‍ ആഹാരം കഴിക്കാന്‍ പൈസ ഇല്ലാതിരുന്നത് കൊണ്ട് ഹനീഫയുടെ കയ്യില്‍ നിന്ന് പത്ത് രൂപ കടം വാങ്ങി. അന്ന് ഉച്ചയ്ക്ക് ഭക്ഷണം കഴിക്കാന്‍ ഹനീഫ പോകുന്നത് ഞാന്‍ കണ്ടില്ല. അപ്പോള്‍ ഞാന്‍ ചോദിച്ചു. ഇന്ന് എന്താ ഹനീഫ ആഹാരം കഴിക്കാന്‍ പോകാത്തതെന്ന്?. അപ്പോള്‍ ഹനീഫ പറഞ്ഞു. ‘എന്റെ കയ്യില്‍ ഉണ്ടായിരുന്ന ആകെയുള്ള പത്ത് രൂപയാണ് നിനക്ക് കാപ്പി കുടിക്കാന്‍ തന്നത്’. അപ്പോള്‍ ഞാന്‍ ചോദിച്ചു നിങ്ങള്‍ എന്തിനാണ് മനുഷ്യാ ഇങ്ങനെ ചെയ്തത്. അതിന് അദ്ദേഹം മറുപടി  പറഞ്ഞത് ഇങ്ങനെയാണ്. ‘എനിക്ക് അറിയാം നിനക്ക് വിശപ്പ്‌ സഹിക്കാന്‍ പറ്റില്ലെന്ന് എനിക്കൊക്കെ ഇത് ശീലമാണെടോ’,അങ്ങനെ പറഞ്ഞ ഹനീഫയെ എനിക്ക് ജീവിതത്തില്‍ മറക്കാന്‍ കഴിയില്ല’. മണിയന്‍ പിള്ള രാജു പറയുന്നു.

shortlink

Related Articles

Post Your Comments


Back to top button