ചാക്കോച്ചന്‍റെയും പ്രിയയുടേയും ഇസയ്ക്ക് ഒരു വയസ്സ്!!

14 വര്‍ഷത്തെ കാത്തിരിപ്പിനൊടുവിലാണ് നടന്‍ കുഞ്ചാക്കോ ബോബനും പ്രിയയ്ക്കും മകന്‍ ജനിക്കുന്നത്. തങ്ങളുടെ കുഞ്ഞു സ്വര്‍ഗത്തിലേക്കെത്തിയ അതിഥിക്ക് ഇസ്ഹാക്ക് എന്നാണ് പേരിട്ടിരിക്കുന്നത്. മകനുമൊപ്പമുള്ള ചിത്രങ്ങള്‍ സമൂഹമാധ്യമത്തില്‍ താരം പങ്കുവയ്ക്കാറുണ്ട്. തങ്ങളുടെ ലോകം ഇപ്പോള്‍ കറങ്ങുന്നത് മകന് വേണ്ടിയാണെന്ന് ഇരുവരും പറഞ്ഞിരുന്നു.

ലോക് ഡൗണ്‍ സമയമായതിനാല്‍ ഷൂട്ടിംഗ് നിര്‍ത്തിവച്ചിരിക്കുകയാണ്. അതുകൊണ്ട് തന്നെ പ്രിയയ്ക്കും മോനും അരികിലുണ്ട് കുഞ്ചാക്കോ ബോബന്‍. ഇസയ്ക്ക് പിറന്നാളാശംസ നേര്‍ന്നെത്തിയിരിക്കുകയാണ് പേളി മാണി. ഇതിനകം തന്നെ ചിത്രങ്ങള്‍ വൈറലായി മാറിക്കഴിഞ്ഞിട്ടുണ്ട്.