‘കോവിഡ് പ്രതിരോധത്തിൽ മറ്റ് സംസ്ഥാനങ്ങൾ കേരളത്തിനെ മാതൃകയാക്കണം’ ; തമിഴ് സിനിമ നിര്‍മ്മാതാവ് എസ്.ആര്‍ പ്രഭു

കോവിഡ് പ്രതിരോധ പ്രവര്‍ത്തനങ്ങളില്‍ കേരളം ലോകത്തിന് തന്നെ മാതൃകയാണ്. രാജ്യാന്തര മാധ്യമങ്ങളില്‍ വരെ കേരളത്തിന്റെ കോവിഡ് പ്രതിരോധ പ്രവര്‍ത്തനങ്ങള്‍ ഇടംപിടിച്ച് കഴിഞ്ഞിട്ടുള്ളതാണ്. ഇന്ത്യയില്‍ ആദ്യം കോവിഡ് റിപ്പോര്‍ട്ട് ചെയ്തത് കേരളത്തിലായിരുന്നിട്ട് പോലും അവിടെ നിന്നും മികച്ച പ്രവര്‍ത്തനങ്ങള്‍ കൊണ്ട് കോവിഡിനെ പിടിച്ചുകെട്ടിക്കൊണ്ടിരിക്കുകയാണ് നമ്മുടെ ഈ കൊച്ചുകേരളം. ലോകത്തിലെ ഏറ്റവും സമ്പന്ന രാജ്യമായ അമേരിക്ക വരെ പരാജയപ്പെട്ടിടത്താണ് കോവിഡിനെ കേരളം പിടിച്ചുകെട്ടിയിരിക്കുന്നത്.

 

This is an outstanding recovery compared to any state or country from corona. #kerala should be respected for that and others should take the right guidance from them. Hope that’s happening! #Coronaindia #COVID19 pic.twitter.com/zs6gUI0pZ8

— S.R.Prabhu (@prabhu_sr) April 15, 2020

ഇപ്പോഴിതാ കേരളത്തിന്റെ പ്രതിരോധ പ്രവര്‍ത്തനങ്ങൾ അയല്‍സംസ്ഥാനമായ തമിഴ്‌നാട് മാതൃകയാക്കണമെന്ന് പറയുകയാണ് കൈതി സിനിമയുടെ നിര്‍മ്മാതാവാണ് എസ്.ആര്‍ പ്രഭു.  കോവിഡ് രോഗമുക്തി നേടിയവരുടെ എണ്ണത്തിൽ കേരളമാണ് മുന്നിൽ. മറ്റുള്ള സംസ്ഥാനങ്ങൾ കേരളത്തെ മാതൃകയാക്കണമെന്ന് അദ്ദേഹം ട്വിറ്ററില്‍ കുറിച്ചു. ഒപ്പം വിവിധ സംസ്ഥാനങ്ങളിലെ കൊറോണ കണക്കും അദ്ദേഹം പങ്കുവച്ചിട്ടുണ്ട്.

ഇന്ത്യയിലെ മറ്റ് സംസ്ഥാനങ്ങളുമായും ലോകത്തിലെ മറ്റു രാജ്യങ്ങളുമായും താരതമ്യം ചെയ്യുമ്പോൾ കൊറോണ മോചിതരുടെ നിരക്കിൽ ഒന്നാമതാണ് കേരളം. ഇതിന് കേരളത്തെ ആദരിക്കണം. അവരിൽ നിന്ന് മറ്റു സംസ്ഥാനങ്ങൾ നിർദേശങ്ങൾ സ്വീകരിക്കണം. അങ്ങനെ സംഭവിക്കുമെന്നാണ് പ്രതീക്ഷിക്കുന്നത്.- എസ്.ആർ പ്രഭു കുറിച്ചു.