ലോകം കൊവിഡ് 19ന് എതിരെയുള്ള പ്രതിരോധത്തിലാണ്. പ്രതിരോധ പ്രവര്‍ത്തനങ്ങളുടെ ഭാഗമായി രാജ്യത്ത് പ്രഖ്യാപിച്ച ലോക്ക് ഡൌണ്‍ മേയ് മൂന്നു വരെ നീട്ടിയിരിക്കുകയാണ്. അധികൃതരുടെ നിര്‍ദ്ദേശങ്ങള്‍ കണക്കിലെടുക്കാതെ പ്രവര്‍ത്തിക്കുന്നവര്‍ ആശങ്ക സൃഷ്ടിക്കുന്നുണ്ട്. എന്നാല്‍ കരുതലോടെ ഇപ്പോഴും കര്‍മ്മ നിരതരായി നില്‍ക്കുകയാണ് ആരോഗ്യപ്രവര്‍ത്തകര്‍. ഇതാ നഴ്‍സുമാരെ അഭിനന്ദിച്ച് സംവിധായകൻ ഷാജി കൈലാസ് രംഗത്ത് എത്തിയിരിക്കുന്നു.
”കരുത്തൻ, സ്വതന്ത്രൻ, പ്രചോദനം, കഠിനാധ്വാനം, വിശ്വസനീയമായത്, നിശ്ചയദാര്‍ഢ്യം, വിശ്വസ്‍തൻ, സമർപ്പിതൻ , കരുതൽ, അനുകമ്പയുള്ളവൻ, എല്ലാത്തിനും ഒരു പേര് മാത്രമേയുള്ളൂ. നഴ്‍സ്.
അവൾ ഒരു മാലാഖയാണ്, അവളുടെ പുഞ്ചിരി നിരവധി ജീവിതങ്ങളെ തിരികെ കൊണ്ടുവരുന്നു. ജോലിക്ക് ആദ്യം എത്തുന്നതും അവസാനം പോകുന്നതും അവളാണ്. അവൾ നിങ്ങളുടെ ജീവിതത്തിലൂടെ കടന്നുപോകുന്നു, ഒരു മാലാഖയെന്ന നിലയിൽ അവളെ ബഹുമാനിക്കുകയും സ്നേഹിക്കുകയും ചെയ്യുക. എല്ലാ നഴ്‌സുമാർക്കും വലിയ സല്യൂട്ട് ” ഫോട്ടോ ഷെയര്‍ ചെയ്‍ത് ഷാജി കൈലാസ് കുറിച്ചു
Post Your Comments