ഉത്സവ പ്രതീതിയിൽ അങ്ങനെ അവർക്ക് വിഷുക്കൈനീട്ടം നൽകുമ്പോൾ ഒരു പ്രത്യേക സംതൃപ്തിയാണ്; പക്ഷേ ഇത്തവണ ആഘോഷങ്ങളില്ല; വിനയൻ

രാജ്യത്ത് ലോക്ക്ഡൗൺ തുടങ്ങിയതിൽ പിന്നെ സിനിമാ താരങ്ങളെല്ലാം വിശേഷങ്ങൾ പങ്ക് വക്കുന്നത് സോഷ്യൽ മീഡിയയിലൂടെയാണ്, സഹപ്രവർത്തകർക്ക് വിഷുക്കൈനീട്ടം നൽകാനാകാത്തതിന്റെ വിഷമം
പങ്കുവെച്ച് വിനയൻ.

അന്ന് സിനിമയിലെ സഹപ്രവർത്തകർ നൂറിലേറെപ്പേർ കൊച്ചിയിലെ വീട്ടിലെത്തുമായിരുന്നു,, വെടി പറഞ്ഞും സദ്യകഴിച്ചുമൊക്കെ ഉത്സവ പ്രതീതിയിൽ അങ്ങനെ കൂടും. അവർക്ക് വിഷുക്കൈനീട്ടം നൽകുമ്പോൾ ഒരു പ്രത്യേക സംതൃപ്തിയുണ്ടാകും.” ലോക്ക് ഡൗണിൽ പെട്ട് ഇന്ന് ആ പതിവ് മുടങ്ങുമെങ്കിലും കൊച്ചി പാലാരിവട്ടത്തെ വീട്ടിൽ ഭാര്യ നീനയും മകൻ വിഷ്ണുവും മരുമകൾ ഡോ. വിധുവും ഉണ്ട്. ആഘോഷമൊന്നുമില്ല, ചെറിയൊരു സദ്യവട്ടം. അത്രമാത്രം.

ഈ കൊവിഡ് കാലത്ത് തന്റെ പുതിയ സിനിമയ്ക്ക് തിരക്കഥ എഴുതി തീർത്ത വിശേഷവും വിനയൻ പങ്കുവച്ചു. ഗോകുലം ഗോപാലൻ നിർമ്മിക്കുന്ന പുതിയ ബിഗ് ബഡ്ജറ്റ് ചിത്രമായ ‘പത്തൊൻപതാം നൂറ്റാണ്ടി” ന്റെ കഥയും തിരക്കഥയും സംവിധാനവും വിനയനാണ്, പൃഥ്വിരാജോ ഉണ്ണിമുകുന്ദനോ നായകനാകും. ആഗസ്റ്റിൽ ചിത്രീകരണം ആരംഭിക്കാനാവുമെന്ന പ്രതീക്ഷയും വിനയൻ പങ്കുവച്ചു.