മലയാളികളും ഒരു കാലത്ത് ഏറ്റെടുത്തിരുന്ന ഹിറ്റ് ഗാനമാണ് “ഏക് ദോ തീന്‍” . ബോളിവുഡ് സുന്ദരി മാധുരി ദീക്ഷിതിന്റെ സൂപ്പര്‍ ഹിറ്റ് ഗാനമായ “ഏക് ദോ തീന്‍” ‘തേസബ്’ എന്ന ചിത്രത്തിലെതാണ്. ഈ സൂപ്പര്‍ഹിറ്റിന് പിന്നിലെ ചില കാര്യങ്ങള്‍ വെളിപ്പെടുത്തുകയാണ് നായിക.
ആയിരം പേരുള്ള യഥാര്‍ഥ ജനക്കൂട്ടത്തെ വച്ചാണ് ഗാനം ചിത്രീകരിച്ചത് എന്നാണ് താരം ട്വീറ്റ് ചെയ്തിരിക്കുന്നത്. പാട്ടിനെ കുറിച്ചുള്ള നിങ്ങളുടെ ഓര്‍മ്മകളും എന്നോടൊപ്പം പങ്കുവയ്ക്കൂ എന്നും താരം ട്വീറ്റിലൂടെ ആരാധകരോട് ആവശ്യപ്പെട്ടിട്ടുണ്ട്.
ഗാനം തിയേറ്ററുകളില്‍ എത്തിയപ്പോള്‍ ആളുകള്‍ പണം വാരി വിതറുകയായിരുന്നു. തിയേറ്ററുകളില്‍ ഗാനം വീണ്ടും കാണണം എന്ന് ആളുകള്‍ ആവശ്യപ്പെട്ടതായ വാര്‍ത്തകള്‍ അറിഞ്ഞ് താന്‍ ഞെട്ടിപ്പോയി. എല്ലാവരും മോഹിനി എന്ന് വിളിക്കാന്‍ തുടങ്ങിയതായും അടുത്ത ട്വീറ്റില്‍ മാധുരി കുറിച്ചിട്ടുണ്ട്.
Post Your Comments