പൃഥ്വിരാജിനെ പോലെ തന്നെ നിരവധി ആരാധകരുള്ള താരമാണ് സുപ്രിയ മേനോൻ. സോഷ്യൽ മീഡിയിൽ സജീവമായ സുപ്രിയ പങ്കുവെയ്ക്കുന്ന ചിത്രങ്ങളും പോസ്റ്റുകളും എല്ലാം തന്നെ വളരെ പെട്ടെന്ന് ശ്രദ്ധ നേടാറുണ്ട്. ഇപ്പോഴിതാ പുതിയ ഫ്രിഡ്ജ് മാഗ്നെറ്റിന്റെ ചിത്രം പങ്കുവെച്ച് എത്തിയിരിക്കുകയാണ് സുപ്രിയ. ഇന്‍സ്റ്റഗ്രാമിലൂടെ പങ്കുവെച്ച ചിത്രത്തിനൊപ്പം കുറിച്ച കുറിപ്പും ആരാധകർക്കിടയിൽ ശ്രദ്ധ നേടിയിരിക്കുകയാണ്.
ആലിയുടെ ഡാഡയുടേയും മമ്മയുടേയും മനോഹരമായ ഫ്രിഡ്ജ് മാഗ്നറ്റിന്റെ ചിത്രം. ആയിരം മൈലുകള്‍ അകലെയാണെങ്കിലും പൃഥ്വിയും ഞാനും ഒരുമിച്ച് ഫ്രിഡ്ജ് ഡോറിലുണ്ടെന്നും സുപ്രിയ കുറിച്ചിട്ടുണ്ട്. ദി ക്രിയ ഇന്നാണ് സുപ്രിയയ്ക്കായി ഈ മനോഹര സമ്മാനം ഒരുക്കിയത്. ഈ ദിവസം മനോഹരമാക്കിയതിന് അവരോട് നന്ദി പറയുന്നുവെന്നും സുപ്രിയ കുറിച്ചിട്ടുണ്ട്. സൈജു കുറുപ്പടക്കം നിരവധി പേരാണ് പോസ്റ്റിന് കീഴില്‍ കമന്‍റുകളുമായി എത്തിയിരിക്കുന്നത്.
Post Your Comments