മലയാളത്തില്‍ ഏറ്റവും മുന്നില്‍ നിന്ന താര ജോഡികളായിരുന്നു മമ്മൂട്ടി സീമ. ഐവി ശശി- എംടി -മമ്മൂട്ടി – സീമ ടീം നിരവധി ബോക്സ് ഓഫീസ് ഹിറ്റുകള്‍ മലയാളത്തിനു സമ്മാനിച്ചിട്ടുണ്ട്. സിനിമയിലെ തന്റെ ഭാഗ്യ നായകനെ ആദ്യമായി കണ്ട നിമിഷത്തെക്കുറിച്ച് തുറന്നു സംസാരിക്കുകയാണ് സീമ. 1981-ല്‍ പിജി വിശ്വംഭരന്‍ സംവിധാനം ചെയ്ത ‘സ്ഫോടനം’ എന്ന സിനിമയിലെ ലൊക്കേഷനില്‍ വച്ചാണ് താന്‍ ആദ്യമായി മമ്മൂട്ടിയെ കണ്ടതെന്നും കണ്ടമാത്രയില്‍ തന്നെ അഹങ്കാരത്തോടെ അവിടെ ഇരുന്ന മമ്മൂട്ടി എന്ന വ്യക്തിത്വത്തോട് തനിക്ക് ഇഷ്ടം തോന്നിയെന്നും സീമ പറയുന്നു. ‘നിങ്ങളുടെ ഈ അഹങ്കാരം എനിക്ക് ഇഷ്ടമായി’, എന്നായിരുന്നു താന്‍ മമ്മൂട്ടിയുടെ മുഖത്ത് നോക്കി പറഞ്ഞതെന്നും സീമ പറയുന്നു.
‘ ‘സ്ഫോടനം’ എന്ന സിനിമയുടെ ലൊക്കേഷനില്‍ എനിക്ക് ഓര്‍മ്മയുള്ളത് ഒരേയൊരു കാര്യമാണ്. അവിടെ വലിയ അഹങ്കാരത്തോടെ ഒരു മനുഷ്യന്‍ ഇരിപ്പുണ്ടായിരുന്നു. ഞാന്‍ പോയി പരിചയപ്പെട്ടു. പേര് ചോദിച്ചപ്പോള്‍ ‘മമ്മൂട്ടി’ എന്ന് പറഞ്ഞു. ‘എനിക്ക് നിങ്ങളുടെ ഈ അഹങ്കാരം ഇഷ്ടമായി’, എന്ന് പറഞ്ഞിട്ടാണ് ഞാന്‍ അന്ന് അവിടെ നിന്ന് പോയത്. പിന്നീട് ‘തൃഷ്ണ’ എന്ന സിനിമയില്‍ ശശിയേട്ടന്‍ മമ്മൂട്ടിയെ നായകനാക്കാന്‍ തീരുമാനിച്ചു എന്ന് പറഞ്ഞപ്പോള്‍ ഞാന്‍ ശശിയേട്ടന്റെ തീരുമാനത്തെ പിന്തുണച്ചിരുന്നു’. സീമ പറയുന്നു.
Post Your Comments