ലോകം മുഴുവന്‍ കൊറോണ പേടിയിലാണ്. കൊറോണ വൈറസ് വ്യാപത്തിന്റെ ഈ ഘട്ടത്തില്‍ വ്യാജ വാര്‍ത്തകള്‍ സോഷ്യല്‍ മീഡിയയില്‍ സജീവമാകുന്നുണ്ട്. കൊറോണ വൈറസ് വ്യാജ ചികിത്സയെക്കുറിച്ച് പങ്കുവച്ച പ്രമുഖ നടന്‍ അറസ്റ്റില്‍.
അയൺ മാൻ 2 വിലൂടെ ജനപ്രീതി നേടിയ നടൻ കീത്ത് ലോറൻസ് മിഡിൽബ്രൂക്കിനെ വ്യാജ കൊറോണ വൈറസ് ചികിത്സയുടെ പേരില്‍ എഫ്ബിഐ ഏജന്റുമാർ അറസ്റ്റ് ചെയ്തത്. മാർച്ച് 25 ന് ലോസ് ഏഞ്ചൽസിൽ അദ്ദേഹം അറസ്റ്റിലായി.
ക്വാണ്ടം പ്രിവൻഷൻ സിവി ഇങ്ക് എന്ന കമ്പനിക്ക് നിക്ഷേപം അഭ്യർത്ഥിച്ചതിന്റെ പേരിൽ മിഡിൽബ്രൂക്ക് ഗുരുതരമായ തട്ടിപ്പാണ് നടത്തിയിരിക്കുന്നത്. COVID-19 അണുബാധ തടയുമെന്നും വൈറസ് ഭേദമാക്കാനുള്ള ഒരു ഷോട്ട് ഉണ്ടെന്നും അവകാശപ്പെട്ടതായി ഒരു മാധ്യമം റിപ്പോര്‍ട്ട് ചെയ്യുന്നു.
ബാസ്ക്കറ്റ്ബോൾ ഐക്കൺ ഇർവിൻ മാജിക് ജോൺസൺ ഡയറക്ടർ ബോർഡിൽ ഉണ്ടെന്ന് മിഡിൽബ്രൂക്ക് അവകാശപ്പെട്ടു. എന്നാൽ മിഡിൽബ്രൂക്കിന്റെ കമ്പനിയെക്കുറിച്ച് തനിക്ക് ഒന്നും അറിയില്ലെന്ന് ജോൺസൺ അന്വേഷണ ഉദ്യോഗസ്ഥരോട് സ്ഥിരീകരിച്ചു.
Post Your Comments