കേരളത്തിൽ പടർന്നു പിടിക്കുന്ന കൊറോണയുടെ പശ്ചാത്തലത്തിൽ സംസ്ഥാനത്ത് കൊറോണ ജാഗ്രത പുലര്‍ത്താനുള്ള നിര്‍ദ്ദേശം പുറപ്പെടുവിച്ചതിന് തുടര്‍ന്ന് പല താരങ്ങളുടെയും ചിത്രങ്ങളുടെ ഷൂട്ടിംങ് നിർത്തി വച്ചിരുന്നു.
താരങ്ങളെല്ലാം പൊതുജനങ്ങൾക്ക് മാർഗ നിർദേശങ്ങളുമായി രംഗത്തുണ്ട്, മെഗാ സ്റ്റാർ മമ്മൂട്ടി പൊതുജന ആരോഗ്യത്തിനായി നടത്തുന്ന സോഷ്യൽ മീഡിയ ഇടപെടലുകൾ ഏറെ ശ്രദ്ധേയകരമാണ്, ഉത്തരവാദിത്തത്തോടെ പെരുമാറൂ
എന്ന തലക്കെട്ടോടെയാണ് ഇത്തവണ ഒരു ചിത്രം പോസ്റ്റ് ചെയ്തിരിയ്ക്കുന്നത്.
കൊറോണ വൈറസ് വ്യാപനത്തിന്റെ ഭീതിയിലാണ് ലോകം. കേരളത്തിലും കൊറോണ വ്യാപിക്കുകയാണ്. ഈ അവസരത്തില്‍ വീടിനുള്ളില്‍ തന്നെ കഴിയേണ്ടതിന്റെ ആവശ്യകത പങ്കുവച്ചു മലയത്തിന്റെ പ്രിയ നടന്‍ മമ്മൂട്ടി. നമ്മുടെ നിയമങ്ങൾ നാം തന്നെയാണ് ഈ സമയത്തു തീരുമാനിക്കുന്നത്. ഇത് അകത്തിരിക്കേണ്ട കാലമാണ്. പ്രത്യേകിച്ചും, പൊതുസ്ഥലത്തു നാം എത്താതെ നോക്കേണ്ട കാലം.
പുറത്തു പലയിടത്തായി കാത്തുനിൽക്കുന്ന വൈറസിനെ നാം നമ്മുടെ ദേഹത്തേക്കു പടരാൻ അനുവദിക്കാതെ, പുറത്തുനിർത്തി കൊല്ലുന്നു എന്നു കരുതിയാൽ മതിഎന്നും മമ്മൂട്ടി സോഷ്യല്‍ മീഡിയ പോസ്റ്റില്‍ കഴിഞ്ഞ ദിവസം വ്യക്തമാക്കിയിരുന്നു.
കൊറോണ ഭീതിയില്‍ ലോകം വിറങ്ങലിക്കുമ്ബോള്‍ സഹപ്രവര്‍ത്തകരെപറ്റിയും ദിവസവേതനം കൊണ്ട് ജീവിക്കുന്ന പാവം മനുഷ്യരെയും കുറിച്ച്‌ മമ്മൂട്ടി എഴുതിയ കുറിപ്പ് ശ്രദ്ധിക്കപ്പെട്ടിരുന്നു
Post Your Comments