മണിച്ചിത്രത്താഴ് എന്ന സൂപ്പര്‍ഹിറ്റ് ചിത്രത്തിലെ അല്ലിയെ ഓര്‍മ്മയില്ലേ? അല്ലിയ്ക്ക് ആഭരണം എടുക്കാന്‍ ഞാന്‍ കൂടി പോയാല്‍ എന്താ എന്ന് ചോദിച്ചു നാഗവല്ലി മാറുന്നത് കണ്ടു പേടിച്ച പ്രേക്ഷകര്‍ക്ക് അല്ലിയുടെ മുഖം മറക്കാന്‍ കഴിയില്ല. മലയാളം, തെലുങ്ക് , തമിഴ് ചിത്രങ്ങളിലൂടെയും സീരിയലുകളിലൂടെയും ജനശ്രദ്ധ നേടിയ രുദ്രയാണ് അല്ലിയെ അവതരിപ്പിച്ചത്.
ബട്ടർഫ്ലൈസ്, ധ്രുവം, പിടക്കോഴി കൂവുന്ന നൂറ്റാണ്ട്, പവിത്രം തുടങ്ങിയ ചിത്രങ്ങളില്‍ മികച്ച കഥാപാത്രങ്ങളെ അവതരിപ്പിച്ച രുദ്രയുടെ പുതിയ ചിത്രം പങ്കുവച്ചിരിക്കുകയാണ് ഒരു പ്രേക്ഷകന്‍. പ്രണവ് മാധവൻ എന്ന പ്രേക്ഷകനാണ് രുദ്രയ്ക്കൊപ്പമുള്ള ചിത്രം സമൂഹമാധ്യമത്തിൽ പങ്കുവച്ചത്. ‘അല്ലിക്ക്‌ ആഭരണം എടുക്കാൻ ഞാൻ വന്നാൽ മതിയൊ എന്നു ചോദിച്ചു…ഈ മുഖം മറന്നോ?’–എന്നായിരുന്നു ചിത്രത്തോടൊപ്പം പ്രണവ് കുറിക്കുന്നു.
വിമാനത്താവളത്തില്‍ നിന്നുമുള്ള ചിത്രമാണ് പങ്കുവച്ചിരിക്കുന്നത്.
Post Your Comments