രമേശ്‌ പിഷാരടിയുടെ ട്രോളിനു ഇരയായി നടന് ജഗദീഷും. കഴിഞ്ഞ ദിവസം ഒരു സിനിമയുടെ ലൊക്കേഷനില്‍ ജഗദീഷിന്റെ നില്‍പ്പാണ് രമേശ്‌ പിഷാരടി ജഗദീഷിന്റെ തന്നെ ഒരു പഴയ കഥാപാത്രവുമായി സാമ്യപ്പെടുത്തിയിരിക്കുന്നത്. സിദ്ധിഖ് ലാല്‍ ടീമിന്റെ എവര്‍ ഗ്രീന്‍ ഹിറ്റ് ചിത്രം ഗോഡ് ഫാദര്‍ എന്ന സിനിമയിലെ ജഗദീഷിന്റെ നില്‍പ്പിനും ലുക്കിനും സമാനമായ പോസ്റ്റാണ് പുതിയ സിനിമയുടെ ലൊക്കേഷനില്‍ നിന്ന് രമേശ്‌ പിഷാരടി പങ്കുവെച്ചിരിക്കുന്നത്.
മായിന്‍ കുട്ടി എന്ന ഗോഡ് ഫാദറിലെ ജഗദീഷിന്റെ കഥാപാത്രം ആ സിനിമയുടെ തന്നെ മെഗാ വിജയത്തില്‍ നിര്‍ണായകമായ ഒന്നായിരുന്നു. ജഗദീഷ് എന്ന നടന് മികച്ച കോമഡി വേഷങ്ങള്‍ സമ്മാനിച്ച സിദ്ധിഖ് ലാല്‍ ടീം ഇന്‍ഹരിഹര്‍ നഗര്‍ എന്ന അവരുടെ സൂപ്പര്‍ ഹിറ്റ് സിനിമയിലും അപ്പുക്കുട്ടന്‍ എന്ന രസകരമായ ഒരു കഥാപാത്രത്തെ നല്‍കിയിരുന്നു. ഏതായാലും ഗോഡ് ഫാദറിലെ ജഗദീഷിന്റെ ലുക്കിനെ വീണ്ടും ഓര്‍മ്മിപ്പിച്ചിരിക്കുന്ന രമേശ്‌ പിഷാരടി സന്ദര്‍ഭോചിതമായ തമാശകള്‍ ഫേസ് ബുക്കില്‍ അവതരിപ്പിക്കുന്നതില്‍ എന്നും മുമ്പിലാണ്. മലയാളത്തിലെ മറ്റു സിനിമാ താരങ്ങളും രമേശ്‌ പിഷാരടിയുടെ ട്രോളിനു ഇരയാകേണ്ടി വന്നിട്ടുണ്ട്.
ആക്ഷൻ പറഞ്ഞാൽ ഉടനെ അഭിനയിക്കാൻ റെഡി ആയി നിൽക്കുന്ന ജഗദീഷേട്ടൻ(updated version) (ഇപ്പൊ ലൊക്കേഷനിൽ കണ്ടത് ) എന്ന കുറിപ്പോടെയായിരുന്നു രമേശ്‌ പിഷാരടി ഫേസ്ബുക്കില്‍ ചിത്രം പങ്കുവെച്ചത്.
Post Your Comments