പ്രശസ്ത അമേരിക്കന്‍ നടനും ഗായകനുമായ ആരോണ്‍ ട്വെയ്റ്റിന് കോവിഡ് 19 സ്ഥിരീകരിച്ചു, താരം തന്നെയാണ് കൊറോണ ബാധിച്ചതായി സോഷ്യല്‍ മീഡിയയില്‍ പങ്കുവച്ചത്, കഴിഞ്ഞ വ്യാഴാഴ്ച ബ്രോഡ്വേ ഷോകള്‍ അടച്ചു പൂട്ടിയത് മുതല്‍ താന്‍ ക്വാറന്റൈനില്‍ ആണെന്നും താരം സോഷ്യല്‍ മീഡിയയില്‍ പറഞ്ഞു.
എനിക്ക് ”കോവിഡ് 19 ന് പോസിറ്റീവ് ആണെന്ന കാര്യം എല്ലാവരെയും അറിയിക്കാന്‍ ഞാന്‍ ആഗ്രഹിക്കുന്നു, മാര്‍ച്ച് 12 വ്യാഴാഴ്ച ബ്രോഡ്വേ ഷോകള്‍ അടച്ചുപൂട്ടിയതുമുതല്‍ ഞാന്‍ ക്വാറന്റൈനിലാണ്, ഇത് എല്ലാവരെയും ബാധിക്കാം എന്ന കാര്യം മനസിലാക്കണം, എന്തെങ്കിലും ലക്ഷണങ്ങള്‍ കാണിക്കുകയാണെങ്കില്‍ വീട്ടില്‍ തന്നെയിരിക്കണം, സുരക്ഷിതരായിരിക്കുക, ഏവരെയും വീണ്ടും കാണാന്‍ കഴിയട്ടെ എന്ന് ഞാന്‍ ആഗ്രഹിക്കുന്നു” എന്ന് ആരോണ്‍ ട്വെയ്റ്റ് കുറിച്ചു.
പ്രശസ്തരായ ടെലിവിഷന്‍ ഹോസ്റ്റ് ആന്‍ഡി കോഹന്‍, മുന്‍ ബാച്ചിലര്‍ താരം കോള്‍ട്ടണ്‍ അണ്ടര്‍വുഡ്, നടന്‍ ഡാനിയേല്‍ ഡേ കിം, സംഗീത സംവിധായകന്‍ ആന്‍ഡ്രൂ വാട്ട്, ഗെയിം ഓഫ് ത്രോണ്‍സ് താരം ക്രിസ്റ്റോഫര്‍ ഹിവ്ജു, ഒബ്ലിവിയന്‍ താരം ഓള്‍ഗ കുറിലെങ്കോ, നടന്‍ ഇഡ്രിസ് എല്‍ബ എന്നിവരാണ് ഇപ്പോള്‍ കൊറോണ വൈറസുമായി പോരാടുന്ന മറ്റ് താരങ്ങള്‍.
https://www.instagram.com/p/B-FHsJCngXm/?utm_source=ig_web_copy_link
Post Your Comments