മലയാള സൂപ്പർ താരങ്ങളായ പൃഥ്വിരാജും ബിജു മേനോനും തകര്‍ത്തഭിനയിച്ച ‘അയ്യപ്പനും കോശിയും’ തമിഴിലേക്ക് റീമേക്ക് ചെയ്യാനൊരുങ്ങുമ്പോള്‍ നായകന്‍മാരായി ശശി കുമാറും ശരത്കുമാറും, ശശികുമാര്‍ പൃഥ്വിരാജ് അവതരിപ്പിച്ച കഥാപാത്രമായും ശരത് കുമാര്‍ ബിജു മേനോന്റെ കഥാപാത്രമായും വേഷമിടും എന്നാണ് റിപ്പോര്‍ട്ടുകള്‍.
വൻ ഹിറ്റായി മാറിയ ‘ആടുകളം’, ‘ജിഗര്‍തണ്ട’, ‘പൊള്ളാതവന്‍’ എന്നീ ചിത്രങ്ങളുടെ നിര്‍മാതാവായ കതിര്‍സേനന്‍ ആണ് ചിത്രം നിര്‍മിക്കുന്നത്, നടന്‍ ധനുഷ് പൃഥ്വിരാജ് അവതരിപ്പിച്ച കോശി എന്ന കഥാപാത്രമായി എത്തുമെന്ന് നേരത്തെ റിപ്പോര്‍ട്ടുകളുണ്ടായിരുന്നു, അയ്യപ്പന്‍ നായര്‍ എന്ന പൊലീസ് ഓഫീസറും റിട്ടയേര്‍ഡ് ഹവില്‍ദാര്‍ ആയ കോശി കുര്യനും തമ്മിലുള്ള ഈഗോ ക്ലാഷിലൂടെ വികസിക്കുന്ന ചിത്രം മികച്ച നിരൂപക പ്രശംസ നേടിയിരുന്നു.
കഴിയ്ഞ്ഞ ഫെബ്രുവരി ഏഴിന് റിലീസിനെത്തിയ ചിത്രം കൊറോണ പശ്ചാത്തലത്തില്‍ തിയേറ്ററുകള്‍ അടക്കേണ്ടി വന്നപ്പോഴാണ് തിയേറ്ററുകളില്‍ നിന്നും പിന്‍വലിച്ചത്, 50 കോടിയിലേറെ കളക്ഷന്‍ ചിത്രം നേടിയിരുന്നു, ‘അനാര്‍ക്കലി’ക്ക് ശേഷം പൃഥ്വിയും ബിജു മേനോനും സച്ചിയും വീണ്ടും ഒന്നിച്ച ചിത്രം കൂടിയാണിത്, ബിജുമോനോന്റെ കരിയറിലെയും ഏറ്റവും മികച്ച കഥാപാത്രങ്ങളിലൊന്നാണ് അയ്യപ്പന്‍ നായര്‍.
Post Your Comments