ലോകം മുഴുവന്‍ ഭീതി പടർത്തി കൊറോണ വൈറസ് വ്യാപിച്ചുകൊണ്ടിരിക്കുകയാണ്. നിരവധി പേരാണ് കൊറോണ ജാഗ്രതാ നിര്‍ദേശവുമായി രംഗത്ത് വരുന്നത്. ഇപ്പോഴിതാ കൊറോണ ജാഗ്രതാ നിര്‍ദേശത്തിന്റെ വേറിട്ടൊരു വീഡിയോ ആണ് ഇപ്പോള്‍ സോഷ്യല്‍മീഡിയയില്‍ തരംഗമായിക്കൊണ്ടിരിക്കുന്നത്. ശരീരം ശുചിയായി സൂക്ഷിക്കണമെന്നും തിരക്കുള്ള സ്ഥലങ്ങളിലേയ്ക്കുള്ള യാത്രകള്‍ ഒഴിവാക്കണമെന്നമുള്ള വാക്കുകള്‍ തമാശാരീതിയില്‍ അവതരിപ്പിക്കുന്ന മുന്‍ ബിഗ് ബോസ് താരവും അവതാരകയും നടിയുമായ പേര്‍ളി മാണി. വലിയ കണ്ണുകളും വായുമൊക്കെയുള്ള കണ്ടാല്‍ തിരിച്ചറിയാത്ത ഒരു രൂപത്തിലെത്തി സോഷ്യൽ മീഡിയിലൂടെയാണ്
പേര്‍ളിയുടെ ജാഗ്രതാ നിര്‍ദേശം.
എന്നാൽ തങ്ങളുടെ ചെറിയ കുട്ടികള്‍ പോലും ഈ വീഡിയോ ആവര്‍ത്തിച്ചു കണ്ടുവെന്ന് ആരാധകരില്‍ പലരും പേര്‍ളിയുടെ പോസ്റ്റിനു ചുവടെ കമന്റ് ചെയ്യുന്നു. വേറിട്ട രീതിയില്‍ ഗൗരവമുള്ള കാര്യം ആളുകളുടെ കാതുകളിലേക്കെത്തിച്ചതിന് പേര്‍ളിയെ പ്രശംസിക്കുകയും ചെയ്യുന്നുണ്ട്.
Post Your Comments