യൂട്യൂബ് താരം ശ്രീരാമോജു സുനിഷിത്തിനെതിരെ പരാതിയുമായി തെലുങ്ക് നടി ലാവണ്യ ത്രിപാഠി രംഗത്ത്. തന്നെ വിവാഹം ചെയ്‌തെന്ന വ്യാജ പ്രചരണം ശ്രീരാമോജു നടത്തിയതായിട്ടാണ് പൊലീസില്‍ നൽകിയ പരാതിയിൽ ലാവണ്യ ത്രിപാഠി പറയുന്നത്. ഒരു അഭിമുഖത്തിനിടെയാണ് ശ്രീരാമോജു ലാവണ്യയെ വിവാഹം ചെയ്തതായി പറയുന്നത്. തമന്ന ഭാട്ടിയയും ലാവണ്യയും തന്റെ കാമുകിമാരായിരുന്നു എന്നും താന്‍ രണ്ടുപേരുമായും ഇപ്പോൾ പിരിഞ്ഞെന്നും, ലാവണ്യ തന്നില്‍ തൃപ്തയായിരുന്നില്ലെന്നുമാണ്
ഇയാൾ അഭിമുഖത്തിൽ പറഞ്ഞിരുന്നത്.
”ലാവണ്യയെ പ്രൊപോസ് ചെയ്തു. അവള്‍ക്കും ഓക്കെയായിരുന്നു. ഞങ്ങള്‍ കാറിലും ബൈക്കിലുമായി കറങ്ങി നടന്നു. 2015ല്‍ ക്ഷേത്രത്തില്‍ വച്ച് രഹസ്യ വിവാഹം ചെയ്തു. പിന്നീട് ലാവണ്യ തന്നെ ഡിവോഴ്‌സ് ചെയ്യുകയായിരുന്നെന്നും ഇയാൾ പറഞ്ഞു. ജാതി പ്രശ്‌നങ്ങള്‍ കാരണം മാതാപിതാക്കള്‍ക്കും ഇഷ്ടമായില്ലെന്നും ശ്രീരാമോജു വ്യക്തമാക്കി.
എന്നാൽ ശ്രീരാമോജു പറഞ്ഞത് കള്ളമാണെന്ന് ലാവണ്യ പരാതിയില്‍ പറയുന്നുണ്ട്. ഹൈദരബാദ് സൈബര്‍ക്രൈം ഒഫീഷ്യല്‍സിനാണ് ലാവണ്യ പരാതി മെയില്‍ ചെയ്തിരിക്കുന്നത്.
Post Your Comments