ഇന്ത്യൻ ചിത്രങ്ങളിൽ അഭിനയിക്കണം; ഇമെയിൽ വിലാസം സോഷ്യൽ മീഡിയയിൽ നൽകി സുഡാനി താരം

സക്കരിയ മുഹമ്മദ് സംവിധാനം ചെയ്ത സുഡാനി ഫ്രം നൈജീരിയ എന്ന ചിത്രത്തിലൂടെ മലയാള സിനിമാ പ്രേക്ഷകരുടെ ഇഷ്ട്ട താരമായി മാറിയ നടനാണ് സാമുവൽ റോബിൻസൺ. ഇപ്പോഴിതാ മലയാള സിനിമയിൽ വീണ്ടും അഭിനയിക്കാൻ ആഗ്രഹം ഉണ്ടെന്ന് പറയുകയാണ് ഈ സുഡാനി താരം.  താനിപ്പോൾ ഇന്ത്യയിലുണ്ടെന്നും ബന്ധപ്പെടാൻ ആഗ്രഹിക്കുന്നവർ സോഷ്യൽമീഡിയ അക്കൗണ്ട് വഴി സന്ദേശം അയയ്ക്കണമെന്നും സാമുവൽ റോബിൻസൺ പറയുന്നു.

കുറിപ്പിന്റെ പൂർണരൂപം……………………………..

ഞാൻ ഇപ്പോൾ ഇന്ത്യയിൽ ആണ്. ചില പുതിയ മലയാളം അല്ലെങ്കിൽ മറ്റ് ഭാഷാ സിനിമകളിൽ പ്രവർത്തിക്കണമെന്ന് പ്രതീക്ഷിക്കുന്നു. ഒരു പുതിയ മൂവി ഓഫർ ഉപയോഗിച്ച് നിങ്ങൾ എന്നെ ബന്ധപ്പെടാൻ ആഗ്രഹിക്കുന്നുവെങ്കിൽ, എന്റെ ഇമെയിൽ വിലാസം sraactor@gmail.com ആണ്. എന്റെ ഇന്ത്യൻ നമ്പറിനായി നിങ്ങൾക്ക് എന്റെ സോഷ്യൽ മീഡിയ അക്കൗണ്ടുകളിൽ സന്ദേശമയയ്ക്കാനും കഴിയും.

കാമുകിക്കൊപ്പം ഡൽഹിയിലാണ് സാമുവൽ ഇപ്പോൾ.ഒഡിഷ സ്വദേശിയും അഭിഭാഷകയുമായ ഇഷാ പാട്രിക്ക് ആണ് സാമുവലിന്റെ കാമുകി. ഇരുവരുമൊന്നിച്ചുള്ള ചിത്രം സാമുവല്‍ സോഷ്യല്‍ മീഡിയയില്‍ പങ്കുവെച്ചിരുന്നു. സുഡാനിക്കു ശേഷം സാമുവൽ അഭിനയിച്ച മലയാള സിനിമയായിരുന്നു ഒരു കരീബിയൻ ഉടായിപ്പ്. ചിത്രം തിയറ്ററുകളിൽ ശ്രദ്ധിക്കപ്പെട്ടില്ല. പിന്നീട് അഭിനയിച്ച ‘പർപ്പിൾ’ എന്ന ചിത്രം റിലീസിനൊരുങ്ങുകയാണ്.