ഒരു സ്വകാര്യ ചാനലിലെ റിയാലിറ്റി ഷോയില്‍ രജിത് കുമാറിനെ പുറത്താക്കിയിരുന്നു. രേഷ്മ എന്ന സഹമത്സരാര്‍ത്ഥിയുടെ കണ്ണില്‍ മുളക് തേച്ചതായിരുന്നു കാരണം. രജിത് കുമാര്‍ പുറത്തായതോടെ തീര്‍ത്തും യുക്തി ഇല്ലാത്ത കാര്യങ്ങളാണ് രജിത് കുമാര്‍ ഫാന്‍സ്‌ ചെയ്തു കൊണ്ടിരിക്കുന്നത്. ഇക്കൂട്ടര്‍ ഇപ്പോള്‍ രേഷ്മയെ ഉപദ്രവിക്കാന്‍ പദ്ധതി ഇടുന്നതായ് ചൂണ്ടിക്കാട്ടി നടന്‍ ധനേഷ് ആനന്ദ്‌ രംഗത്ത്.
രേഷ്മ എയര്‍പോര്‍ട്ടില്‍ എത്തുമ്ബോള്‍ ഉപദ്രവിക്കാനാണ് ഇവരുടെ പദ്ധതി.രജിത് കുമാറിന്റെ പേരിലുള്ള ഫേസ്ബുക്ക് ഗ്രൂപ്പില്‍ നടന്നു കൊണ്ടിരിക്കുന്ന ചര്‍ച്ചകളുടെ സ്ക്രീന്‍ഷോട്ട് സഹിതമാണ് ധനേഷിന്റെ പോസ്റ്റ്.
ധനേഷ് ആനന്ദിന്റെ ഫേസ്ബുക്ക് പോസ്റ്റ്
എങ്ങോട്ടാണ് നമ്മുടെ നാടിന്റെ പോക്ക്..? മലയാളി എന്ന് പറഞ്ഞു ഓരോ നിമിഷവും അഭിമാനിക്കുന്നവര്‍ക്ക് മുന്നിലേക്ക് ചില മലയാളികളെ കൂടെ പരിചയപ്പെടുത്തുന്നു.
ബിഗ് ബോസ് എന്ന പ്രോഗ്രാമില്‍ നിന്നും രജിത് കുമാറിനെ പുറത്താക്കിയ രേഷ്മ എയര്‍പോര്‍ട്ടില്‍ വരുമ്ബോള്‍, അവരെ ആക്രമിക്കാന്‍ വേണ്ടി ആളുകള്‍ രജിത് കുമാറിന്റെ പേരിലുള്ള ഗ്രൂപ്പുകളില്‍ ആഹ്വാനം നടത്തുന്നതിന്റെ ചില സ്ക്രീന്‍ഷോട്ട് ആണ് താഴെ..
മുളക് വെള്ളം ഒഴിക്കണം, തല്ലണം തുടങ്ങി അവളുടെ മുഖത്ത് ആസിഡ് ഒഴിക്കണം, കൊല്ലണം എന്ന് വരെയുണ്ട് അതിലെ കമന്റ്സ്. കൊല്ലാനും ആസിഡ് ഒഴിക്കാനും പറയുന്നത് സ്ത്രീകള്‍ ആണെന്ന് കൂടെ ഓര്‍ക്കണം.. ഒരു ടെലിവിഷന്‍ ഷോയില്‍ നിന്നും രജിത് കുമാറിനെ ഒഴിവാക്കി എന്നതിന്റെ പേരില്‍ ഒരാളെ അതും ഒരു പെണ്‍കുട്ടിയെ ആക്രമിക്കാന്‍ വേണ്ടി ഒരു കൂട്ടം ആളുകള്‍ പറയുന്നു. ഇവിടത്തെ നിയമവും നിയമപാലകരും ഇതിന് ഇപ്പോഴേ തടയിട്ടില്ലെങ്കില്‍ വലിയൊരു വിപത്തിലേക്ക് തന്നെ ആകും സമൂഹം പോകുക.
Post Your Comments