ഇളയദളപതി വിജയ് നായകനാകുന്ന മാസ്റ്ററിലെ പുതിയ ഗാനം റിലീസ് ചെയ്തു. വമ്പന്‍ സ്വീകാര്യതയാണ് ഗാനത്തിന് ലഭിച്ചു കൊണ്ടിരിക്കുന്നത്, യൂട്യൂബ് ട്രെന്‍ഡിംഗിലും ഒന്നാമതുണ്ട് ,ബാലചന്ദറിന്റെ വരികള്‍ക്കു അനിരുദ്ധ് രവിചന്ദര്‍ സംഗീതം പകര്‍ന്നിരിക്കുന്നു, ഇരുവരും ചേര്‍ന്നാണ് ഗാനം ആലപിച്ചിരിക്കുന്നത്.
തമിഴിലെ സൂപ്പര്‍ഹിറ്റ് ചിത്രം കൈതിക്കു ശേഷം ലോകേഷ് കനകരാജ് ഒരുക്കുന്ന ചിത്രമാണ് മാസ്റ്റര്‍, വിജയ് സേതുപതി വില്ലനായി എത്തുന്ന ചിത്രത്തില്‍ മാളവിക മോഹനന്‍, ആന്‍ഡ്രിയ, ശന്തനു ഭാഗ്യരാജ്, അര്‍ജുന്‍ ദാസ്, ശ്രിനാഥ്, സഞ്ജീവ് ഗൗരി കൃഷ്ണന്‍, വിജെ രമ്യ എന്നിവരുമുണ്ട് .പുറത്തിറങ്ങി 15 മണിക്കൂർ മാത്രം പിന്നിടുമ്പോള്‍ ഗാനത്തിന് 50 ലക്ഷത്തിന് മേല്‍ കാഴ്ചക്കാരുണ്ട് എന്നതാണ് ഏറെ ശ്രദ്ധേയം,
നിലവിലെ വിദ്യാഭ്യസ രംഗത്തെ അഴിമതിയെ ആസ്പദമാക്കിയാണ് ചിത്രം ഒരുക്കുന്നതെന്നും, ചിത്രത്തില്‍ ഒരു പ്രൊഫസറുടെ വേഷത്തിലാകും വിജയ് എത്തുന്നതെന്നുമാണ് റിപ്പോര്‍ട്ടുകള്‍ വ്യക്തമാക്കുന്നത്, ചിത്രത്തിന് ഛായാഗ്രഹണം നിര്‍വ്വഹിക്കുന്നത് സത്യന്‍ സൂര്യനാണ്. ഡല്‍ഹി, കര്‍ണാടക, ചെന്നൈ എന്നിവിടങ്ങളാണ് ഷൂട്ടിംഗ് ലൊക്കേഷനുകള്‍.
Post Your Comments