ബിഗ് ബോസ് രണ്ടാം സീസൺ പത്താം ആഴ്ചയിലേക്ക് കടന്നിരിക്കുകയാണ്. ഇപ്പോഴിതാ വീടിനുള്ളിൽ അരങ്ങേറിയ മത്സരത്തിൽ നിന്നുള്ള ദൃശ്യങ്ങളാണ് സോഷ്യൽ മീഡിയയിൽ ചർച്ച വിഷയമായിരിക്കുന്നത്. സ്‌കൂള്‍ യൂണിഫോമുകളിലാണ് മത്സരാർത്ഥികൾ എല്ലാം. ഒപ്പം ടാസ്ക്കിന്റെ ഭാഗമായി നടക്കുന്ന പിറന്നാൾ ആഘോഷത്തിന്റെ ദൃശ്യങ്ങളും വീഡിയോയിലുണ്ട്. ഇതിനിടയിൽ രേഷ്മയുടെ കണ്ണിൽ എന്തോ ചെയ്യുന്ന രജിത്തും, കണ്ണിൽ അപകടം പറ്റിയ രീതിയിൽ കരയുന്ന രേഷ്മയും ദൃശ്യങ്ങളിൽ നിറയുന്നുണ്ട്. കൺഫെഷൻ റൂമിൽ എത്തിച്ച രേഷ്മയുടെ കണ്ണുകൾ ആകെ ചുമന്നിരിക്കുന്നതും വീഡിയോയിലൂടെ കാണാൻ കഴിയും.
പിന്നാലെ ബിഗ് ബോസിന്റെ അനൗണ്‍സ്‌മെന്റും പുറത്ത് ഹാളിലെ സോഫയില്‍ ഇരിക്കുന്ന മത്സരാര്‍ഥികളുടെ, ഇത് കേട്ടുള്ള ഞെട്ടലും പ്രൊമോ വീഡിയോയിലുണ്ട്. ‘രജിത് കുമാര്‍ ചെയ്ത ക്രൂരമായ പ്രവൃത്തി ബിഗ് ബോസ് ഷോയുടെ നിയമങ്ങള്‍ക്ക് എതിരായതിനാല്‍..’ എന്ന് മാത്രമാണ് അനൗണ്‍സ്‌മെന്റില്‍ കേള്‍ക്കുന്നത്.
തുടർന്ന് രജിത് പുറത്താക്കപ്പെടുമെന്ന ആശങ്കയിലാണ് പ്രേക്ഷകർ. എന്നാൽ ചിലര്‍ പറയുന്നത് പ്രൊമോ വീഡിയോ ഒരു പ്രാങ്ക് ടാസ്കാണ് എന്നാണ്. എന്തായലും എപ്പിസോഡിനായിട്ടുള്ള കാത്തിരിപ്പിലാണ് ബിഗ് ബോസ് പ്രേക്ഷകർ.
Post Your Comments