സംസ്ഥാനത്ത് വീണ്ടും രണ്ട് പേര്‍ക്ക് കൊറോണ സ്ഥിതീകരിച്ചു. പത്തനംതിട്ടയിലാണ് വൈറസ് സ്ഥിരീകരിച്ചിരിക്കുന്നത്. ഇറ്റലിയില്‍ നിന്നെത്തിയെ റാന്നിയിലെ കുടുംബത്തിന്റെ സുഹൃത്തുക്കള്‍ക്കാണ് രോഗം സ്ഥിരീകരിച്ചിരിക്കുന്നത്.
ഇതോടെ സംസ്ഥാനത്ത് വൈറസ് ബാധിതരുടെ എണ്ണം 12 ആയി ഉയർന്നു, ഈ സാഹചര്യത്തിൽ ബുധനാഴ്ച മുതൽ വിദ്യാഭ്യാസ സ്ഥാപനങ്ങൾ, ആരാധനാലയങ്ങൾ, സിനിമാ തിയറ്ററുകൾ എന്നിവ അടച്ചിടാൻ മുഖ്യമന്ത്രി കർശന നിർദേശം നൽകി.
വരുന്ന മാർച്ച് 31 വരെ തുറക്കാതിരിക്കാനാണ് നിർദേശം. ഇതോടെ ഈ മാസം റിലീസിനൊരുങ്ങുന്ന സിനിമകളുടെ റിലീസുകളും നീണ്ടുപോകും. ടൊവിനോ ചിത്രം കിലോമീറ്റേഴ്സ് ആൻഡ് കിലോമീറ്റേഴ്സ് റിലീസ് മാറ്റി വച്ചതായി ടൊവിനോ വ്യക്തമാക്കിയിരുന്നു.
മോഹൻ ലാൽ -പ്രിയദർശൻ ചിത്രം മരക്കാറുടെ റിലീസും നീട്ടിവയ്ക്കാനാണ് സാധ്യത, ഈ മാസം 26 നാണ് ചിത്രം പ്രദർശനത്തിനെത്തുമെന്ന് അണിയറപ്രവർത്തകർ വ്യക്തമാക്കിയിരുന്നത്.
റിലീസുകാർ ആണ് ഏറെ പ്രതിസന്ധിയിൽ ആയിരിക്കുന്നത്, ഉണ്ണി ആറിന്റെ ചെറുകഥയെ ആസ്പദമാക്കി ഈ മാസം തിയേറ്ററിലെത്തേണ്ടുന്ന വാങ്ക് ചിത്രവും ഇതോടെ പ്രതിസന്ധിയിലായിരിക്കുകയാണ്.
Post Your Comments