ജയറാം നായകനായ സിനിമകളിലെല്ലാം നായികമാര്‍ക്കും പെര്‍ഫോം ചെയ്യാനുള്ള തുല്യ സ്പേസ് എപ്പോഴും ഉണ്ടാകും. സത്യന്‍ അന്തിക്കാട് – ജയറാം സിനിമകളില്‍ ഉര്‍വശിയായിരുന്നു നായിക എന്ന നിലയില്‍ ഏറെ കയ്യടി നേടിയത്. ശോഭനയും ജയറാമിന്റെ നായികയായി വേഷമിട്ടപ്പോള്‍ വലിയ ഹിറ്റുകളാണ് മലയാള സിനിമയ്ക്ക് ലഭിച്ചിട്ടുള്ളത്‌. ശോഭനയും, പാര്‍വതിയും ഉര്‍വ്വശിയും മുതല്‍ സംയുക്തയും മഞ്ജു വാര്യരും വരെ ജയറാം നായകനായ സിനിമകളില്‍ നിറഞ്ഞു നിന്ന നായിക നടിമാരായിരുന്നു. തനിക്കൊപ്പം അഭിനയിച്ചതില്‍ അഭിനയം കൊണ്ട് തന്നെ ഏറ്റവും വിസ്മയ്പ്പിച്ച നടിയുടെ പേര് തുറന്നു പറയുകയാണ് ജയറാം.
‘ശോഭനയ്ക്കും സംയുക്തയ്ക്കും മഞ്ജുവിനുമൊക്കെ മേലയാണ് ഉര്‍വശി എന്ന നടിയുടെ റേഞ്ച്. ഉര്‍വശി വേറെ ലെവലാണ്. അഭിനയത്തില്‍ അത്രയും സൂക്ഷ്മത പുലര്‍ത്തുന്ന ഒരു നായിക നടിയെ ഞാന്‍ വേറെ കണ്ടിട്ടില്ല. ശോഭന എന്‍റെ നായികായി വരുന്ന ഒരു സിനിമ ഞാന്‍ ആഗ്രഹിക്കുന്നുണ്ട്’. ഒരു ടെലിവിഷന്‍ മാധ്യമത്തിനു നല്‍കിയ അഭിമുഖത്തില്‍ സംസാരിക്കവേ ജയറാം വ്യക്തമാക്കുന്നു.
കടിഞ്ഞൂല്‍ കല്യാണം, പൊന്മുട്ടയിടുന്ന താറാവ്, ചാഞ്ചാട്ടം നന്മനിറഞ്ഞവന്‍ ശ്രീനിവാസന്‍ തുദ്ദങ്ങിയ നിരവധി സിനിമകളില്‍ ജയറാമിന്റെ ജോഡിയായി ഉര്‍വശി അഭിനയിച്ചിരുന്നു. മേലെ പറമ്പില്‍ ആണ്‍വീട്, സൂപ്പര്‍ മാന്‍ തുടങ്ങിയ സിനിമകളിലൂടെ ജയറാമും ശോഭനയും മലയാള പ്രേക്ഷകരുടെ ഇഷ്ട ജോഡികളായിരുന്നു.
Post Your Comments