ചിരിപ്പിച്ച് കൊല്ലുമോയെന്ന് സോഷ്യൽ മീഡിയ; പഴയ മായിൻകു‌ട്ട‌ിയായി ജഗദീഷ് വീണ്ടും; ചിത്രം പങ്കുവെച്ച് പിഷാരടി

ഗോഡ്ഫാദറിലെ മായിൻകുട്ടീ‌െ നിൽപ്പ് അങ്ങനെ അങ്ങ് മറക്കാൻ മലയാളികൾക്ക് പറ്റുമോ? ട്രോളൻമാരുടെ സ്ഥിരം ഇരകൂടിയാണ് നമ്മുടെ മായിൻകുട്ടി.

ജ​ഗദീഷിന്റെ എന്നും ജനങ്ങൾ ഓർത്തിരിക്കുന്ന കഥാപാത്രം കൂടിയാണത്, അഞ്ഞൂറാനും മക്കളും മലയാളികള്‍ക്കിടയില്‍ എത്തിയിട്ട് വര്‍ഷം ഇരുപത്തൊമ്പതായി ങ്കിലും മായിൻകുട്ടി ഉണ്ടാക്കിയ ഓളം ചില്ലറയല്ല.

ശക്തമായ കഥാപാത്രമായി വന്ന നായകനായ മുകേഷിനോടൊപ്പം തന്നെ പ്രാധാന്യമുള്ള കഥാപാത്രമായിരുന്നു കൂട്ടുകാരനായി എത്തിയ ജഗദീഷിന്റേതും. ഗോഡ് ഫാദറില്‍ പ്രേക്ഷകരെ ചിരിപ്പിച്ചതിന്റെ മുഴുവന്‍ ക്രെഡിറ്റും മായിന്‍കുട്ടിക്കു തന്നെയാണ്. മായിന്‍കുട്ടി എത്രത്തോളം ജനപ്രിയനാണെന്നുള്ളതിന്റെ തെളിവാണ് ഇന്ന് പ്രത്യക്ഷപ്പെടുന്ന ട്രോളുകളും.

എന്നാലിപ്പോൾ ജഗദീഷിലെ പുതിയ മായിന്‍കുട്ടിയെ കാട്ടി തന്നിരിക്കുകയാണ് രമേശ് പിഷാരടി. ആക്ഷൻ പറഞ്ഞാൽ ഉടനെ അഭിനയിക്കാൻ റെഡി ആയി നിൽക്കുന്ന ജഗദീഷേട്ടൻ(updated version) (ഇപ്പൊ ലൊക്കേഷനിൽ കണ്ടത് ) എന്നാണ് താരം പങ്കുവച്ചത്.